苹果日报桌面日历+记者积木套装预售

苹果日报桌面日历+记者积木套装预售 预订连结: Source: IG @uncleplastic #胶叔叔 话说喺上年嘅5月，有一位苹果日报嘅记者主动联络胶叔叔嘅专页，话苹果日报想同我合作出一啲公仔。同佢通过电话之后，我只想讲一句"机会嚟啦，飞云！"，之后就即刻约上佢哋将军澳嘅Office倾合作细节啦。 到6月头，我完成咗初稿设计。Send咗比苹果嘅同事睇之后，意想不到地佢哋都非常钟意！喺完全唔需要改嘅情况下已经话可以落实设计！我哋亦都开始倾合作细节，打算尽快开始生产。但估唔到嘅系唔够一个星期之后，佢哋通知我话要叫停个project，因为管理层嘅人已经被捕！之后再过多一个星期，苹果日报就直接停刊。结果系，呢个project喺任何合约都未签嘅情况下，胎死腹中！ 讲到呢度，我谂大家可以想象到呢个project系经历咗几多波折先可以面世。佢更有可能系香港最后一件苹果日报嘅产物。我好感恩有机会参与呢次设计，亦希望大家可以继续支持所有本地创作！ 最后一提，今次系可以用消费券预购架！而呢个project嘅10%收益将会捐赠到细叶榕人道支援基金，帮助在囚及更新人士。预购期由今日起到6月30日，预计7月发货。为咗答谢大家一直以嚟嘅支持，头200位支持者更有9折优惠。折实为$585一套。衷心多谢大家嘅支持。 我更想多谢所有苹果员工及其他新闻工作者多年来为香港报导真相。仅将此拙作献给你哋每一位，有缘再聚。 利申：此次发售之任何收益均与苹果日报或壹传媒旗下任何公司无关，全属胶叔叔自己的小本经营。 #苹果日报 #新闻自由 #国安法 #AppleDaily #FreedomOfPress #NationalSecurityLaw