Post on IG @banyantreeaid #细叶榕

Post on IG @banyantreeaid #细叶榕 // 又嚟到沉重嘅六月，谂咗好耐都唔知同大家讲乜。 早几日见到有人分享某位还押人士嘅 Patreon， 叫人直接subscribe 就好了，其余𠮶啲祝平安、保重可以唔使讲。 问候说话系廉价。 金钱上嘅支援其实都系廉价。 世界上系无野可以弥补到失去嘅宝贵光阴。 而我哋呢啲比较侥幸嘅人，只可以尽力去做啲嘢令到在囚人士知道仲有人关心佢哋。 我哋好早之前访问咗三位手足，佢哋希望透过访谈将自己被捕后嘅感受讲出嚟。 希望你哋睇完之后有所启发。 最后，多谢所有受访手足、义务拍摄嘅导演与及所有制作人员 // #在囚支援 #囚权 #在囚手足 #毋忘手足

【小编有一事相求】 呢个Post，我谂咗好耐点讲…

【小编有一事相求】 呢个Post，我谂咗好耐点讲… 事情系，小编需要大家嘅帮忙。 有留意开嘅朋友应该知道，吴生最近放弃咗法援。有法援帮助，已经需要自费一大笔费用，如果无申请法援，所需要畀嘅费用系更大更大。 吴生一直以嚟系屋企嘅经济支柱，虽然而家系烧紧积蓄，但佢一直都好担心自己喺无收入嘅情况下坐食山崩，亦都担心自己唔知要坐几耐，成为家人嘅负担。 所以佢由二月到而家，除咗生日𠮶两个星期之外，只食公家饭，唔食私饭。有朋友话：「睇相佢真系瘦咗好多…佢做咩唔食私饭呀？听讲公家饭xoxoxo (呢度我唔讲人哋点评论公家饭喇…无人食过，都系江湖传闻）」 面对呢啲问题，我有点手足无措。点解唔食？可以有咩原因？量入为出啰…之前佢曾经话自己食嘢无要求，我唔敢质疑呢句说话。但我见到嘅系，佢呢接近一年，瘦咗唔知几个码，由猪八戒变咗做孙悟空。唯一系佢食私饭𠮶2星期之后，生返少少肉。 点解我一直唔开诚布公，公开大大力叫大家subscribe patreon，去一齐喺财政上支持吴生？因为吴生一直扮无事。问亲都系:「ok嘅…唔使担心嘅…」 自己死撑。 咁点解而家小编又走出嚟希望大家帮忙？因为佢真系有需要。佢而家系会话：「睇下法律书咪当学多啲嘢！」但问心，打呢种国安案，佢仲要系畀人charge紧最重嘅「策划」，佢系一个理性嘅人，如果有选择，又点会用自己嘅余生自由只系去换一门知识？实情系，如果请大状帮忙，佢系会有经济上嘅担忧。 喺呢度，小编恳请各位，如果可以嘅话，请subscribe patreon。一个人嘅力量有限，我希望可以借大家嘅力量，为吴生提供多一个选择。亦都希望可以畀佢知道，面对呢啲困难，虽然我哋可以做到嘅唔多，但亦都唔会掉低佢一个自己喺度硬撑… 小编在此感谢各位 支持吴政亨(李伯卢)关注组 Patreon： 吴政亨（李伯卢）关注组： Fb: Ig: #香港 #初选大搜捕 #47人 #吴政亨 #李伯卢

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每个人民都系 CCTV。我微讯有排无更新饮饮食食，已经有人质疑，仲喺大陆（深圳）嘅朋友都已经感觉到我有去革命。然后发生咗啲事，我洗咗个微讯啲朋友圈，即刻每日 post 返啲饮饮食食相，但都感觉到自己无得再返去⋯⋯ 我哋单喺深圳嘅教育，已经系自小已知道无论父母几锡你朋友对你几好，都唔可以相信，我就系怀住呢份恐惧长大。曾经被朋友警告会督灰，只系因为讲过少少反对嘅声音，而父母，我虽然好爱佢哋，但亦知道有咩事上嚟佢哋实『大义灭亲』。好羡慕香港人可以有信得过嘅朋友，信得过嘅家人，一过咗关就系另一世界。 // 原文： 支持：

系咪突然出现好多「ZA互帮」嘅讯息？小心！呢啲都系嚟自中资虚拟银行「众安银行 ZA Bank」嘅宣传。

系咪突然出现好多「ZA互帮」嘅讯息？小心！呢啲都系嚟自中资虚拟银行「众安银行 ZA Bank」嘅宣传。 众安银行主要由中资众安在线(47%)同百仕达(41%)持有。用佢嘅服务唔系入少少钱咁简单，而系将你嘅个人资料同资金流动提供咗俾人哋。喺使用佢哋嘅服务之前，请谂多一次系咪必要。 至于喺公开论坛(例如连登)张贴自己嘅银行连结，等同俾人查返自己真实身份，即系「自爆」！千祈唔好为咗几蚊而暴露自己私隐！ 谨记，免费嘅嘢最贵。 #中资 #中资银行 #ZA #ZABank #众安 #众安银行 #虚拟银行 #个人资料 #网络安全 #私隐

#元朗721 蓝丝KOL称要「还原真相」 村民自爆：我有份打！

#元朗721 蓝丝KOL称要「还原真相」 村民自爆：我有份打！ 「珍惜群组」召集人李璧而、「华记正能量」杨官华等人今日于元朗西铁站、东头村外召开记者会，指要还原真相﹐为已判囚的白衣人平反申冤。 在记者会举行期间，一名无戴口罩的村民路过要求签名支持判囚7年的邓怀琛上诉刑期。他更直言7.21当晚有份袭击途人，「我有份打㗎！点会唔喺到？」杨官华见状即掩头称：「喂大佬，你唔好讲出嚟」，又马上为该村民找借口﹐指他「啱啱瞓醒」、「可能饮咗酒」。他促人带该村民离开现场，「你返屋先，暴动呀呢单嘢，你唔好行埋嚟」。 李璧而则「死兜」称「连个老人家都识守护家园」，「几廿岁都要被迫守卫家园，唔通你拉佢？」杨官华不断促该村民离开，又斥李璧而「你害死佢喇！」 报导： #独立媒体 @inmediahknet #警黑合作 #警黑勾结 #721元朗恐袭 #721唔见人 #毋忘721 #元朗恐袭 #警谎 #721YuenLong #721yuenlongnightmare

Post by @rehk_neverforget

Post by @rehk_neverforget 19.9.2021 记录 . #节录 // 612 同埋石墙花消失，虽然两者有啲位的确处理得非常差，但香港嘅手足，有啲案件及支援突然断咗，一时间都会彷徨无助。有啲好叻，可以有方法慢慢解决，但有啲就有困难，然而香港嘅政治气氛已经好难再有人支撑落去。 . 系好多黄店，但信得过又可以支援嘅好少好少。有时甚至因为危险程度及身份问题，拒绝帮忙嘅亦有。我唔怪拒绝嘅人，始终香港已经草木皆兵，但食黄店一定帮到手足嘅谂法大家系时候要转变，唔系一定帮唔到，但亦唔一定帮到，帮唔到嘅似乎占多数。 . 至于海外组织，好多钱都攞咗去帮移民家庭以及自称手足但嚟旅行嘅人，有堆人嚟到攞晒资助后话返香港或去其他地方，𠮶啲资助夹夹埋埋，可能已帮到香港某啲手足堂费或心理支援。上庭除咗要俾律师费，仲有好多杂费及其他支出要搞，呢啲都系难以理解嘅费用。 . 我唔知仲可以点帮到佢哋，香港认识嘅人唔系走咗就系被捕或者自己都未顾掂自己，连帮手探开监嘅朋友，都唔可以再去探监，或者即将探唔到人监。 . 好多事情无奈，望住新嘅「国民教育」科，觉得我哋呢代好似一个断层。上面提倡和平理性抗共，明显中共理你白痴；下面将会被洗脑，抗争历史将会被改写。呢场革命嘅现实系好可悲，可悲在于好多人以为好易就成功，好多人以为好易就可以抵抗洗脑，以为走咗仲系有香港人社群咪得。其实唔系咁简单，一切简化都只系中共风向技俩。革命从来系长期且痛，喺阵痛中寻找可以行嘅路。路，只有少数人想继续行，系唔够。 . 图中两段摘录，出自中国学者，不过配落今日香港所谓嘅完善教育，真系好撚衬。// #中秋 #国民教育 #education #移民 #香港独立唯一出路 #hk #hongkong #hkprotest #前线 #流亡 #exile #brainwashed #洗脑 #洗脑教育