无意间，初选已经过咗去一年，

无意间，初选已经过咗去一年， 一张张选票穿过洞口， 唔系票箱， 系黑暗嘅牢房， 记得上届区议员一席又一席努力地争取， 回头睇返一年后嘅今日， 票箱已经再容纳唔到香港人嘅声音。 Credit: #Pokeguide #生活态度 @pokeguidehk #初选大搜捕 #国安法 #颠覆国家 #香港人撑住 #不要麻木 #初选

挨过疫情、挨过通关、但挨唔过2024年？

挨过疫情、挨过通关、但挨唔过2024年？ 疫情前后，走咗一班香港人，改变咗港人消费模式，不得不承认，香港变了！ 加上小店缺乏宣传同曝光之下⋯⋯ 唔醒起、唔记得、唔知道，原来𠮶度有间黄店！ 既然大家未必每日都帮衬到佢哋，就不如帮手宣传一下！ 只要见到佢哋嘅Facebook、Instagram就帮忙Follow，见到佢哋出任何Po都去比个Like，甚至留个言，谂唔到留咩言，求其出个Emoji都好！ 那怕你根本身在海外，都一样可帮到手！ Reach同Engagement对一盘生意好重要！尤其系冇乜钱落广告嘅小店！ 由于多咗人留言、赞好、分享，社交媒体嘅演算法会视之为多人钟意嘅Page或内容，除咗你朋友会见，甚至推广比其他冇Follow𠮶个Page嘅人，令更多人认识，或者醒起原来仲有呢间需要撑嘅小店！所以只系一个简单嘅动作，帮帮手，揿个掣，将佢哋嘅曝光率增加，顺道提醒身边人，至少做到呢一步，都已经帮到少少手！ #黄店 #撑同路人 #撑小店 Credit: 我不是V姐

独媒报导: 今日是「#八九六四」33周年，有网民贴出1989年的剪报，导演 #高志森 当时称，难保北京不会在1997年后用同一手

独媒报导: 今日是「#八九六四」33周年，有网民贴出1989年的剪报，导演 #高志森 当时称，难保北京不会在1997年后用同一手段即 #暴力镇压，对待香港居民，呼吁港人 #抵制国货。高志森昨晚回应称，「当日我病咗，今日嘅我想治愈自己，我尝试想医返个病，咪要打倒昨日嘅我，如果唔系唔会病好！」 #抹不走历史 #六四屠城 #毋忘六四 #八九民运 #天安门屠城

【小编有一事相求】 呢个Post，我谂咗好耐点讲…

【小编有一事相求】 呢个Post，我谂咗好耐点讲… 事情系，小编需要大家嘅帮忙。 有留意开嘅朋友应该知道，吴生最近放弃咗法援。有法援帮助，已经需要自费一大笔费用，如果无申请法援，所需要畀嘅费用系更大更大。 吴生一直以嚟系屋企嘅经济支柱，虽然而家系烧紧积蓄，但佢一直都好担心自己喺无收入嘅情况下坐食山崩，亦都担心自己唔知要坐几耐，成为家人嘅负担。 所以佢由二月到而家，除咗生日𠮶两个星期之外，只食公家饭，唔食私饭。有朋友话：「睇相佢真系瘦咗好多…佢做咩唔食私饭呀？听讲公家饭xoxoxo (呢度我唔讲人哋点评论公家饭喇…无人食过，都系江湖传闻）」 面对呢啲问题，我有点手足无措。点解唔食？可以有咩原因？量入为出啰…之前佢曾经话自己食嘢无要求，我唔敢质疑呢句说话。但我见到嘅系，佢呢接近一年，瘦咗唔知几个码，由猪八戒变咗做孙悟空。唯一系佢食私饭𠮶2星期之后，生返少少肉。 点解我一直唔开诚布公，公开大大力叫大家subscribe patreon，去一齐喺财政上支持吴生？因为吴生一直扮无事。问亲都系:「ok嘅…唔使担心嘅…」 自己死撑。 咁点解而家小编又走出嚟希望大家帮忙？因为佢真系有需要。佢而家系会话：「睇下法律书咪当学多啲嘢！」但问心，打呢种国安案，佢仲要系畀人charge紧最重嘅「策划」，佢系一个理性嘅人，如果有选择，又点会用自己嘅余生自由只系去换一门知识？实情系，如果请大状帮忙，佢系会有经济上嘅担忧。 喺呢度，小编恳请各位，如果可以嘅话，请subscribe patreon。一个人嘅力量有限，我希望可以借大家嘅力量，为吴生提供多一个选择。亦都希望可以畀佢知道，面对呢啲困难，虽然我哋可以做到嘅唔多，但亦都唔会掉低佢一个自己喺度硬撑… 小编在此感谢各位 支持吴政亨(李伯卢)关注组 Patreon： 吴政亨（李伯卢）关注组： Fb: Ig: #香港 #初选大搜捕 #47人 #吴政亨 #李伯卢

拍摄「绿色金字塔」的资深摄影记者翁志伟接受访问，指对主办方当初的「假相」指控「无咩大感觉」，「做咗几廿年，又唔会好意外，我唔会好

拍摄「绿色金字塔」的资深摄影记者翁志伟接受访问，指对主办方当初的「假相」指控「无咩大感觉」，「做咗几廿年，又唔会好意外，我唔会好 surprise，唔会嬲」，作为受雇到现场的拍摄的记者，他的心态更多是食花生，「知道之后一定有嘢玩。」 他笑言大会的反应其实在近年很常见，「其实唔奇，呢几年所有态度都系咁，我唔会认错先，一定推咗唔知去边…成个社会嘅大机构就系咁，『唔关我事，系你错，唔系我错。』」 #充气装置 #继续吹 #鸠吹 #爱国者治港 #忠诚废物 Source: @renews_hk

#街坊投稿有一间蔬菜店叫 『松记豆腐芽菜』

#街坊投稿 有一间蔬菜店叫 『松记豆腐芽菜』 专卖豆腐芽菜同埋唔同嘅酱料 位于 #西湾河 地铁站对面天桥底 之前老板一直有养猫猫 1只大仲有2个细 平时都会乖乖哋系铺头做招财猫 唔怕人嘅 平时都系喺枱底瞓觉 前2日其中一只黑白色嘅细猫 唔知只猫系自己唔见咗定俾人抱走咗（有颈圈） 好多街坊仔都好担心 希望有心人可以还返俾店主 如果有任何消息请联络 @easternhawkeyebot