#粉岭 #碌玥玖 #一日店长
#粉岭 #碌玥玖 #一日店长 ［琭玥玖一岁啦！］ 嚟紧既8月8号系我哋琭玥玖开店一周年既大日子！好感激各位客人一直以嚟既支持，仲有你哋无数既意见回馈。你哋既一句「加油」就系我哋撑落去既动力！ 而系一周年当日，我们将会推出『出册手足一日店长』活动 当日收入扣除成本后，将会全数赠予手足店长，希望能给予手足少许经济上既支持。 ［手足店长简介］ 一直以嚟我地既信念都系撑起手足，帮助为自由同民主付出代价既手足。 而Abby就系我地开店后第一位请既手足。Abby由19年10月被咬后，因为需要多次上庭、定时报到以及遵守唔同保释条件，根本无办法揾到稳定嘅工作。直到我地开张，先令她重新获得一份稳定既收入。Abby系一位工作认真又细心既员工，非常尽责之余更系一位乐观开朗又善良既女仔。唔单止对待客人亲切，同其他员工都能够好快打成一片，为大家带嚟咗好多好多欢笑。 可惜直到20年既12月，Abby案件判决当日，我地由旁听席望向步入犯人栏既佢；望见佢喺栏前缓缓却步；望见佢喺犯人栏内认真又用力咁望清我哋每一个人，一次又一次。依一日系大家相识以嚟，最沉重既一日。过去半年既时间，我哋每日都只能静待佢既回信。收到回信时更会围埋一齐睇，甚至争相做第一位读者，然后再以书信向佢传达我哋对佢既思念。 而直到最近，佢终于出册了。庆幸艰辛既时光未能带走佢既善良同温柔，佢甚至变得比以往更坚强。喺墙内既佢承受过好多，亦学识咗好多嘢。知道佢出册后想继续佢既学业，我哋亦好想好想支持佢。于是决定推出今次既活动。 无论多或少，只要帮到手足既，我哋都一定会做。 「为民主付出青春的人，为自由丧失自由的人。愿琭玥玖可以有能力，成为你们背后的支柱；愿我们能一起走过下个一年、两年、五年，直到黎明来到那天。」 联络我们 Facebook：琭玥玖（@6.9hkfb） Instagram：@6.9hkig 电话：+852 9664 6939 - 琭玥玖 地址粉岭花都广场地下9号舖 电话+852 9664 6939（接受电话落单外卖自取） 营业时间⏰ 11:30 - 16:00 | 18:00 - 21:00
在Telegram中查看相关推荐
🔍 发送关键词来寻找群组、频道或视频。
启动SOSO机器人