墙内随笔：《祝你圣诞快乐》
墙内随笔：《祝你圣诞快乐》 圣诞将至，首先喺度预祝你圣诞快乐。讲句老实说话，自从入咗册之后我对节日完全谈不上兴奋，一想到节日甚至会令我胸口作闷有想呕嘅感觉。其实咁都系理所当然嘅事，普天同庆嘅日子自己却身在牢狱之中，唔能够同亲朋好友庆祝。外面每一声欢笑声就好似系对我嘅嘲笑声。 谂返转头，中秋节系我第一个喺狱中度过嘅节日，亦令我感受最深。中秋本应系人月两团圆的日子，但当时我举头望不见明月、低头又看不见佳人。看见嘅就只有一张张同我一样忧愁嘅面孔，当然有少数人会为份中秋礼包（M&M、旺旺仙贝）同埋晚饭只鸡髀异常地感到兴奋。 另外假期必定伴随节日而来，对你嚟讲放假当然系值得高兴嘅事。节日假期如果咁啱连住星期六日就足足有三日假，够你去转台湾或者日本短trip。但对我哋来讲，三日假期即代表三日冇信收嘅日子。写信系我哋继探访以外唯一与外界嘅连系，唯有靠书信才能与爱人对话、了解她身边发生的大小事。无信收即意味呢个唯一嘅连系都被中断（用外面嘅语言可以想像为断数据断Wi-Fi，但好似咁样都唔够准确），呢啲日子一日都嫌多，更何况连续三日呢？ 所以对我来讲节日系一件痛苦嘅事，至少不值得快乐。讲返中秋节果晚，当时我仲喺荔枝角。返到仓望唔到月亮，只望到一张张愁眉苦脸同通墙爬嘅曱甴，隐约中仲听到街上有人在喊着什么，但一切都唔再重要。我食咗支烟，然后迫自己尽快入睡结束咁荒谬嘅一日。 嚟紧嘅圣诞，人人高唱”Joy to the world”。可惜你我身处喺唔同世界，我喺度无法分享到你嘅喜悦，只望自己能够早早入睡。虽然如此，但我都衷心希望你圣诞过得快乐、平安。 by大师兄 - 此篇为全文，但愿大家能够过一个平安嘅圣诞 Patreon「桥上的人」: Instagram: @onthebridge2 Facebook: 桥上的人 #狱中书简 #MerryChristmas #HappyNewYear #毋忘手足 #在囚手足
在Telegram中查看相关推荐
🔍 发送关键词来寻找群组、频道或视频。
启动SOSO机器人