// 今日系 11.18 三周年，谂返起当年今日凌晨被捕，坐喺爆满嘅旺角警署臭格，被提堂并因案情严重而即时还押，再到一年后判刑先
// 今日系 11.18 三周年，谂返起当年今日凌晨被捕，坐喺爆满嘅旺角警署臭格，被提堂并因案情严重而即时还押，再到一年后判刑先至获释。磨人嘅两年三个月期间，我经历过人生嘅高低跌宕，生离死别。但患难生忍耐，忍耐生老练，老练生盼望，我因此而成长不少。 开头嘅日子非常难挨。墙内手足唔多，每一步只能自己摸索：监房嘅环境系差，但绝唔系大家想像中嘅乌烟瘴气；监房嘅黑社会系多，但绝唔系大家想像中嘅穷凶极恶，而墙内手足都能互相照顾。团结挨过去，加上墙外嘅关注同支援，我亦总算可以慢慢适应，苦中不忘作乐，一步一步行落去。 放学后我本来可以重拾本行，远离政治，但作为刑期较长，较早释放嘅一批手足，我决定用自身嘅经历去帮助他人。辗转之间就喺候鸟度工作咗大半年，帮助手足、家属了解监房嘅环境同生活，免除因未知而造成嘅恐惧，以至一起同行。爱系唯一可以跨越高墙，超越时间同空间嘅事物。期间有幸结识唔少善良嘅同路人，大家明知自己做紧一件吃力不讨好嘅事，依然坚持行落去。 放学后过咗第一个正常嘅生日，过往愿望总系「世界和平」之类，但今次狭窄少少，只希望各位手足能苦尽甘来，香港他日唔再需要在囚支援。 墙外候审手足嘅日子都绝不比起墙内手足好过。理大事件已过三年，但根据《法庭线》嘅报导，现时被控人数只系当时总被捕总人数三成左右，完结嘅案件只占总数 6% 左右。司法程序缓慢，唔少案件拖到 2023、24 年先开审，更有大量手足因审讯无期，连提前认罪，求个了断都做唔到。佢哋每日生活喺徬徨与不安之中：每周要签到几次，守宵禁令，难以就业，想移民却被没收旅游证件，心理压力日渐增加，甚至因此患上情绪病等。反而最近见有手足被判刑后，就算面对长达三年嘅刑期，却如释重负，因为件事终于有个了断，睇得见痛苦完结嘅日子。 最后，想以一段诗词勉励大家： “Do not go gentle into that good night; Old age should burn and rave at close of day. Rage, rage against the dying of the light.” 苦难不可避免，黎明有排都未到，但我哋可以挺起胸膛面对黑夜。// #候鸟 FB / IG @waitingbirdhk #候鸟平安包 #在囚支援 #在囚物资 #在囚手足 #毋忘手足
在Telegram中查看相关推荐
🔍 发送关键词来寻找群组、频道或视频。
启动SOSO机器人