6.9 温哥华「反修例五周年」集会 X 《说「好」香港故事》展览

6.9 温哥华「反修例五周年」集会 X 《说「好」香港故事》展览 感谢星期日喺极权威吓渗透嘅情况之下，仍然愿意企出嚟嘅香港人！你哋嘅出席，系同极权讲，即使喺香港无法发声，但系禁唔到身处世界各地嘅香港人，世界都会知中共嘅暴行，佢哋终会受到制裁！同时你哋企出嚟，系同仲喺香港坚持抗争、喺狱中仍然努力嘅香港人讲，即使我哋身处海外，但我哋无忘记！ #温哥华 #Canada #展览 #反送中 #毋忘抗争 #反送中5周年 #毋忘2019

#100毛 @100mosthk

#100毛 @100mosthk 周国贤今日凭《一秒拳王》荣获香港电影导演会2020年度嘅「最佳男主角 」，由「写歌佬」变成「大只佬」嘅佢，除咗感激导演恒仔赵善恒@ToNick、同电影团队嘅热血之外，亦都有好大感触。 喺电影中，恒仔鼓励冇咗一秒预知能力嘅周国贤𠮶阵，同佢讲咗句「避唔到，一齐挨啰」。周国贤除咗喺戏入面决定挨落去之外，佢喺现实中都一样。佢喺感言中话「难撑嘅，我地都会撑得过去，再唔容易嘅困境，你只要肯行落去，都一定会揾到出路！」。佢亦都讲到，「好多人成日话乐坛已死、香港电影已死」，但系喺成长过程中，「𠮶段夹band岁月令我明白『挑机（唔钟意妥协）』嘅重要性！」即使身边嘅人，系咁踩低自己，但只要唔放弃，我哋一定会做得越好。 《一秒拳王》唔单止为大家带嚟鼓舞，仲为香港人带嚟咗启发。虽然我哋唔似剧中嘅周国贤咁拥有一秒预知能力，亦都冇人会知道将来会点样，但就好似佢咁讲，「我哋都有一个共同嘅超能力，香港人嘅超能力就系唔会放弃。」 #周国贤 #赵善恒 #一秒拳王 #超能力 #唔会放弃 #避唔到一齐挨

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每个人民都系 CCTV。我微讯有排无更新饮饮食食，已经有人质疑，仲喺大陆（深圳）嘅朋友都已经感觉到我有去革命。然后发生咗啲事，我洗咗个微讯啲朋友圈，即刻每日 post 返啲饮饮食食相，但都感觉到自己无得再返去⋯⋯ 我哋单喺深圳嘅教育，已经系自小已知道无论父母几锡你朋友对你几好，都唔可以相信，我就系怀住呢份恐惧长大。曾经被朋友警告会督灰，只系因为讲过少少反对嘅声音，而父母，我虽然好爱佢哋，但亦知道有咩事上嚟佢哋实『大义灭亲』。好羡慕香港人可以有信得过嘅朋友，信得过嘅家人，一过咗关就系另一世界。 // 原文： 支持：

#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

@sayno4tvb

@sayno4tvb 首先我唔认为TVB针对紧嘅系我哋，因为我哋一向主张理性消费，希望网民喺提倡帮衬或者杯葛一间商户时，都要基于事实之上，而TVB提及嘅恐吓行为，我哋一直都唔赞同，如果你知道用事实都可以说服到其他人，咁又何必要铤而走险，用恐吓呢啲违法行为？ 如果佢认为网民喺facebook对广告商派嬲同反映意见系恐吓，只会显得佢哋系玻璃心，我唔能够代表所有网民嘅谂法，但我知道今时今日好多消费者帮衬商店嘅时候，考虑嘅已经唔止系价钱同质素，例如包括埋企业社会责任，又或者系个广告将商品包装成点，譬如话你见到俗套嘅嘢都唔会想买喇系咪？ 我明白「大台」近年俾「友台」、Netflix、HBO、Disney打到七个一皮，高层感受到股东、广告客户压力，系需要做啲嘢交差嘅，不过畀你哋灭到网民声又点？节目制作思维仲停留喺连串误会嘅《爱回家》、remake版「欢乐今宵」，迟早咪又系步上亚视后尘。 #TVB #老人台 #CCTVB #TVB假新闻 #假新闻 #党媒 #垃圾TVB #罢睇TVB #抵制TVB #红媒 #抵制tvb广告商

Posted by #港语学 @gongjyuhok

Posted by #港语学 @gongjyuhok 美国史丹福大学之前因为财政问题，裁减广东话课程嘅人手，引起师生同当地港人嘅关注，最终喺联署下都成功保留，最近仲迎来一个好消息。当地保育团体Save Cantonese就宣布，得到由广东话母语人士成立嘅美国食品供应商S.J. Distributors承诺，会捐款100万美元（约780万港纸），支持史坦福大学嘅粤语课程。 嚟自香港嘅、S.J. Distributors嘅首席执行官孙振豪（Scott Suen）就话：「我哋唔系叫小朋友唔好学普通话，但我哋想保留粤语文化。我哋希望想讲嘅人可以继续讲，俾佢哋有自己嘅选择。」佢又话，感到年轻一代中讲同学广东话嘅人都越来越少。佢母语系广东话，所以唔希望呢种语言灭绝。「如果你想保护佢，就需要有人愿意保持呢种交流方式。我哋既然有能力可以做啲嘢帮手，而家正系时候。」 S.J. Distributors系一间全球性嘅食品供应商，专注为各地地区提供亚洲嘅生鲜食材及膳食。呢间公司由广东话为母语嘅人士创立，而佢哋嘅捐款可以支持一间顶尖大学嘅粤语语言教育。 #在美港人 #广东话 #撑粤语 #史坦福大学 #SAVECANTONESE