再见有时喺四年半前，气象巴打喺乱流之中出世，就系希望利用tg呢个新平台为各位香港人以更生动更生活化嘅形式咁报导天气，同时亦因为不

再见有时 喺四年半前，气象巴打喺乱流之中出世，就系希望利用tg呢个新平台为各位香港人以更生动更生活化嘅形式咁报导天气，同时亦因为不同嘅天灾人祸提供一啲民防资讯（例如：疫情初期嘅疫情/封区资讯） 因应当时时态发展下，我地青奴茁壮成长，喺不足半年内订阅人数就超过10万（可惜唔系YouTube，如果系就有牌攞了）。当时青奴出Post都相当频密，除咗天气资讯，亦有疫情/人群活动等资讯，各位@mean除咗自己本身嘅工作外都近乎要轮班兼顾青奴工作。 然而，随著疫情等嘅事态发展，整个香港都受到强劲嘅下沉气流所支配，人才流失令整个香港亦随之逐渐沉寂下来；我地青奴亦出现同样情况，@mean们开始因为种种原因开始淡出，而青奴亦都开始趋向沉寂。 时至今日，@mean已变得所剩无几，青奴亦只可以维持不定期同有限度嘅运作，就连气象bot打都随著布氏鲸一齐死亡。 虽然如此，我地仍然唔会忘记我地嘅初心，因为我地发觉到原来仲有几多人系关注我地嘅动向（虽然迟咗好耐先发现）；我地仍然盼望青奴@mean们会有重聚嘅一日。同样地，我地亦希望香港人亦会有真正重聚嘅一日。 喺呢日嚟临之前，青奴系会继续维持不定期同有限度运作，仍在位嘅@mean会尝试修复气象bot打等功能，可以嘅话仲会考虑增加例如讨论群组嘅功能，敬请各位继续期待。 最后，好多谢仍然对本青奴不离不弃嘅咁多位，唔系因为你地，本青奴可能已经一早寿终正寝咗。 #再见有时 #sica #周国贤 #郑敏 #受过旁人成见 #遇过麻烦危险 #共你都想像分别 #分别之后 #互相怎蜕变 #迎面每段再见 #亦当场试炼 #答应我吗 #承诺会再见好吗 #发誓过 #能仍旧赴约不说大话 #无论再隔几远也到访吧 #都算团聚对吗 #约定某一天到某海边一起数细沙 #等到吗 #希望终有一天会出篇重逢版

海外战事消息俄乌战争于今晨再出现重大变化，消息指一直帮紧俄佬打乌克兰嘅瓦格纳私人军事服务公司(华格纳集团)，怀疑早前因为营地被俄

海外战事消息 俄乌战争于今晨再出现重大变化，消息指一直帮紧俄佬打乌克兰嘅瓦格纳私人军事服务公司(华格纳集团)，怀疑早前因为营地被俄军袭击造成伤亡(觉得组织成为俄佬CONDOM)，负责人普利戈津于今晨向俄军宣战，并声称已经占领了顿河畔罗斯托夫市的南部军区总部。 而俄罗斯期后亦宣布瓦格纳集团发动武装叛乱，首都莫斯科进入高度戒备状态。 消息指华格纳集团现已推进至莫斯科以南约340公里，俄罗斯亦将佢地嘅政府行政专机转移至圣彼得堡(未知普京是否有随机转移) 利申: 关于更多最新战事消息，请留意 #香港军事台 或相关军事频道 气象巴打随笔 俄罗斯自2014年2月入侵克里米亚至今，已造成数以万计嘅士兵同平民死亡，难民数量更数以百万计。 气象巴打认为今次华格纳集团成为俄佬CONDOM嘅事系唔值得同情嘅，因为国际间华格纳集团呢类私人军事服务公司(佣兵组织)，好多时会因为金钱而进行武装行动，更不时做出违反国际人道法嘅行为。就好似华格纳集团今次系帮俄佬入侵乌克兰咁，所以国际间系好应该检讨下呢类私人军事服务公司系咪应该仲有存在嘅意义。 另一方面，发动入侵乌克兰嘅俄罗斯就更不值同情，为权利与拥有而发动入侵战争，不理平民死活嘅国度，最终只会自取灭亡。 在 #BEYOND 一曲 AMANI 中出现过呢几句: 权利与拥有的斗争，愚昧与偏见的争斗，若这里战争到最后，怎会是和平。 气象巴打希望事件真的可以尽快平息，让平民同儿童回复正常生活。 #AMANI #无助与冰冻的眼睛 #流泪看天际带悲愤 #是控诉战争到最后 #伤痛是儿童

2020-02-04 2258 #武汉肺炎 #西贡 #隔离营

2020-02-04 2258 #武汉肺炎 #西贡 #隔离营 【西贡居民游行反对设隔离营】 有西贡居民今日晚上发起游行，反对政府将户外康乐中心改设为隔离营，晚上9时许由西贡市中心游行到对面海村附近的户外康乐中心，至10时许散去。 西贡居民方先生气愤道，「今次游行绝对系林郑发起的！」他表示，西贡已有2个隔离中心，包括麦理浩夫人度假村和北潭涌康乐营，「我哋唔系反对你起，但有无需要喺对面海村隔条马路嘅地方，咁近呢？」 他补充，因有消息指武汉肺炎病毒可经粪便传染，据知西贡户外康乐中心的排污系统系直驳到市中心的海鲜舫附近，居民知道消息后有忧虑，正打算约区议员商议，已有人见到政府部门搬物资上去，「咁系咪真系有心倾呢？」 另一街坊张先生表示，对面海村有很多老人家居住，就算想反对都未必有力气行出来，街坊要为他们发声，而且政府在前日静悄悄发布消息，相信很多街坊还不知道，「希望行出嚟，令多啲街坊知道件事。」 #立场 Facebook

民众防护情报究竟7.1会唔会打风，𠮶几日天气会点?

民众防护情报 究竟7.1会唔会打风，𠮶几日天气会点? 呢几日网络上开始出现一啲预测，话7.1前后会打大风(庆回归?)，而天文台今日(26日)亦表示预料南海有一广阔低压区会在7.1前后影响华南地区。于是就有巴打会上去一啲预报网站CHECK下，睇下系咪打到嚟先~~ 不过气象巴打想提一点，虽然现今资讯发达，大家可以在网上睇到唔少预测资讯，但大家唔应该咁懒在不加以分析下就当呢类预报产品为正式预报。 通常呢类长期数值预报产品系由超级电脑就所得到的大气数据，再根据所得数据及以往数值来计算出未来天气的变化，但当中唔包括分析，所以专业预报人员一般都只当作参考，要再自行加以分析，先会得出正式预报。 基于上述原因，大家可以留意下数值预报产品嘅预测，每一次更新都可能有大幅度改动，尤其是预报时间越长，改动更大。 之不过咁，暂时可预期嘅系，7月1至3日期间，天气都可能唔多好(同25年前咁似嘅?唔通有玄机?)，会有雨，风同海浪都会较大，想趁长假期出去行山玩水嘅巴打丝打就要特别留意，我地个民众防护系统会继续监察未来天气发展，适时发布灾害讯息。 如果大家想知道啲更加专业嘅预测，大家亦可以去睇下 #METWARN 同 #胡思频道 㗎。 #民众防护情报 #打风吗