突发消息于红馆举行嘅MIRROR演唱会发生严重意外，在MIRROR成员与舞蹈艺员演出期间，一块移动巨型屏幕从高处坠下，压中舞台上

突发消息 于红馆举行嘅MIRROR演唱会发生严重意外，在MIRROR成员与舞蹈艺员演出期间，一块移动巨型屏幕从高处坠下，压中舞台上数名舞蹈艺员，消息指其中一人严重受伤，经抢救后现留医ICU，而今日(28日)嘅演唱会亦因事故影响随即宣布腰斩。 其后主办单位亦宣布取消余下所有场次，并于稍后安排退款。 本象希望于事件中嘅所有受害者(无论系身体上抑或心灵上)都能够早日康复，亦希望主办方应认真检讨今次事件，唔应该畀佢再次发生。 注：因图/片会引起不安，所以唔PO相喇 #MIRROR演唱会 #严重工业意外 #非气象事故

吓死人咩！以为俄仔打到嚟?!

吓死人咩！以为俄仔打到嚟?! 话说政府喺前年（2020）年尾推出咗一个「紧急警示系统」嘅野，用以于紧急情况下向市民发布信息，自推出以嚟都未有用过，但今日下昼5点55分嘅时候，政府突然发出紧急警示，宣布QE改为武汉肺炎专属医院，叫人唔好去QE咁㖞。 本象收到个信息𠮶阵几乎吓到濑尿，以为俄仔真系打到嚟呀～ 查实政府呢个系统系类似宜家好多国家推出嘅手机版（EAS）系统，用嚟喺出现灾难性天灾人祸嘅时候，通知市民重要避险信息。 唔知今次政府系咪想顺便试下个系统WORK唔WORK呢？但用武肺医院呢个信息做紧急警示就真系太骑呢，究竟呢件事又有几紧急呢？ 唉～本象都要饮杯茶，定下惊先。唔该政府下次谂清楚件事有几紧急先发出警示啦～如果唔系最终只会变成「狼来了」系统㗎。 #吓死人咩 #俄仔打到嚟 #紧急警示系统 #气象巴打随笔

再见有时喺四年半前，气象巴打喺乱流之中出世，就系希望利用tg呢个新平台为各位香港人以更生动更生活化嘅形式咁报导天气，同时亦因为不

再见有时 喺四年半前，气象巴打喺乱流之中出世，就系希望利用tg呢个新平台为各位香港人以更生动更生活化嘅形式咁报导天气，同时亦因为不同嘅天灾人祸提供一啲民防资讯（例如：疫情初期嘅疫情/封区资讯） 因应当时时态发展下，我地青奴茁壮成长，喺不足半年内订阅人数就超过10万（可惜唔系YouTube，如果系就有牌攞了）。当时青奴出Post都相当频密，除咗天气资讯，亦有疫情/人群活动等资讯，各位@mean除咗自己本身嘅工作外都近乎要轮班兼顾青奴工作。 然而，随著疫情等嘅事态发展，整个香港都受到强劲嘅下沉气流所支配，人才流失令整个香港亦随之逐渐沉寂下来；我地青奴亦出现同样情况，@mean们开始因为种种原因开始淡出，而青奴亦都开始趋向沉寂。 时至今日，@mean已变得所剩无几，青奴亦只可以维持不定期同有限度嘅运作，就连气象bot打都随著布氏鲸一齐死亡。 虽然如此，我地仍然唔会忘记我地嘅初心，因为我地发觉到原来仲有几多人系关注我地嘅动向（虽然迟咗好耐先发现）；我地仍然盼望青奴@mean们会有重聚嘅一日。同样地，我地亦希望香港人亦会有真正重聚嘅一日。 喺呢日嚟临之前，青奴系会继续维持不定期同有限度运作，仍在位嘅@mean会尝试修复气象bot打等功能，可以嘅话仲会考虑增加例如讨论群组嘅功能，敬请各位继续期待。 最后，好多谢仍然对本青奴不离不弃嘅咁多位，唔系因为你地，本青奴可能已经一早寿终正寝咗。 #再见有时 #sica #周国贤 #郑敏 #受过旁人成见 #遇过麻烦危险 #共你都想像分别 #分别之后 #互相怎蜕变 #迎面每段再见 #亦当场试炼 #答应我吗 #承诺会再见好吗 #发誓过 #能仍旧赴约不说大话 #无论再隔几远也到访吧 #都算团聚对吗 #约定某一天到某海边一起数细沙 #等到吗 #希望终有一天会出篇重逢版