有班亲中篮丝信错港共政府仆倒去大湾区入货，结果比人跣咗镬甘」

有班亲中篮丝信错港共政府仆倒去大湾区入货，结果比人跣咗镬甘」有买家表示，上届及现届政府唱好大湾区，但她作为受害者，「绝对唔会鼓励香港人系大湾区置业，再唔好讲去养老、去退休」。我地篮丝友今次真系柒到核爆自己信香港是一个法治的社会，在没有疑虑及引诱下才购买。党正苦而家仲日日系电视唱好紧大湾区，以班篮丝系度搅软对抗，反对人去大湾区发展！搞乱社会，又蒙晒面,一定系间谍啦一定系美国请返嚟抹黑大湾区感谢狗哥投稿！吃瓜俱乐部@ChiGuaClub

加烟税赶绝内地客？好客之都变赶客之都，香港点缤纷？

加烟税赶绝内地客？好客之都变赶客之都，香港点缤纷？特区政府成日话要中港融合、大湾区一体化，今日我地就从小红书角度，睇下一样香港同中国大陆最背道而驰嘅事：控烟政策而家政府有意再加烟税，再加落去一包烟随时突破100蚊关口。但而家香港人都仲未反对得切，大陆游客都经已出黎闹爆：而家佢地唔单止讲香港烟贵，仲要系全世界去咁多国家都唔及香港烟咁贵，跟位住仲有游客话食烟成本太高，将会考虑缩减香港旅行日数、减少在港消费添乜你特区政府唔系好钟意小红书治港架啦，而家小红书就系唔妥你烟税太贵唔同大陆接轨：大陆烟并唔系无收烟税，而系伟大英明嘅中央政府知道，太重烟税只会令市民挺而走险走去买私烟甚至更坏嘅非法替代品例如毒品，所以先会响控烟同避免烟税失效之间取得平衡而家香港啲烟可以贵到有几离谱？就黎香港买几包烟，响大陆经已买倒成条烟啦！你话Cray唔Crazy？更惨嘅系，烟瘾呢样嘢系好难顶嘅，偏偏入境带几多包烟自用特区政府立刻又罚款又没收，罚果几千蚊事少，未入境经已当你贼办完全系伤害民族感情；之后大陆旅客黎到香港又发现无吸烟区、人生路不熟唔小心响某啲地方点支烟又即刻比控烟办罚钱，卢宠茂局长仲呼吁市民「睥」住佢地──而家吸烟嘅就唔系客？啲好客之道去哂边？卢局长系咪鼓吹伤害民族感情？而家都唔要你将所有大陆游客当做上宾，但呢头有大陆游客睇完烟花流落街头，你特区政府就立刻成立应变小组如临大敌去谂解决方法，果头大陆烟民黎你香港消费，只系做番响大陆嘅合法行为点知就即刻局长话要拉要锁要罚款仲要恶意啤住，果种被侮辱嘅感觉可能仲衰过专程睇美斯香港买烟贵，又唔准带烟入境，入境又罚钱又比你恶意对待，咁作为大陆游客可以点做？咪唔黎啰！真系好钟意香港又点算，大湾区客咪即日来回，食完19枝烟即走啰、远少少嘅旅客咪早啲搭火车飞机走啰，──旅发局唔系话要研究对策留住游客架咩？而家多得政府打重税，由过夜客变唔过夜客，香港仲有无得夜缤纷？最缤纷可能系东铁线罗湖同落马洲口岸，同埋吸烟更自由嘅澳门！而家再问特首局长，大湾仔一家亲系咪得个讲字？实质就系想搞中港区隔？感谢狗哥投稿！