IG @lets.write_something

IG @lets.write_something 「我地嘅超能力，就系永远唔会放弃」 「唔好缩，敌人越系喺你面前，越要望实佢」 「避唔到，一齐挨啰！」 出自香港电影《一秒拳王》 共勉之！ P.S. 恭喜周国贤夺得最佳男主角 #周国贤 #赵善恒 #一秒拳王 #初衷 #坚持 #斗命长 #避唔到一齐挨

#Surfshark 已经透过Facebook回应咗网民嘅查询，经过上次事件之后，佢哋已经无再喺TVB落任何电视广告，呢样我哋可

#Surfshark 已经透过Facebook回应咗网民嘅查询，经过上次事件之后，佢哋已经无再喺TVB落任何电视广告，呢样我哋可以证实系真嘅。至于喺myTV SUPER出现嘅广告，佢哋经过调查后，认为系Google Ads将佢哋嘅广告摆咗喺myTV SUPER平台播放，过程系自动化，不过听到网民意见之后，佢哋已经即时排除呢个网站。 SurfShark VPN: Posted by @sayno4tvb #VPN #CCTVB #myTVSUPER #民意

【小编有一事相求】 呢个Post，我谂咗好耐点讲…

【小编有一事相求】 呢个Post，我谂咗好耐点讲… 事情系，小编需要大家嘅帮忙。 有留意开嘅朋友应该知道，吴生最近放弃咗法援。有法援帮助，已经需要自费一大笔费用，如果无申请法援，所需要畀嘅费用系更大更大。 吴生一直以嚟系屋企嘅经济支柱，虽然而家系烧紧积蓄，但佢一直都好担心自己喺无收入嘅情况下坐食山崩，亦都担心自己唔知要坐几耐，成为家人嘅负担。 所以佢由二月到而家，除咗生日𠮶两个星期之外，只食公家饭，唔食私饭。有朋友话：「睇相佢真系瘦咗好多…佢做咩唔食私饭呀？听讲公家饭xoxoxo (呢度我唔讲人哋点评论公家饭喇…无人食过，都系江湖传闻）」 面对呢啲问题，我有点手足无措。点解唔食？可以有咩原因？量入为出啰…之前佢曾经话自己食嘢无要求，我唔敢质疑呢句说话。但我见到嘅系，佢呢接近一年，瘦咗唔知几个码，由猪八戒变咗做孙悟空。唯一系佢食私饭𠮶2星期之后，生返少少肉。 点解我一直唔开诚布公，公开大大力叫大家subscribe patreon，去一齐喺财政上支持吴生？因为吴生一直扮无事。问亲都系:「ok嘅…唔使担心嘅…」 自己死撑。 咁点解而家小编又走出嚟希望大家帮忙？因为佢真系有需要。佢而家系会话：「睇下法律书咪当学多啲嘢！」但问心，打呢种国安案，佢仲要系畀人charge紧最重嘅「策划」，佢系一个理性嘅人，如果有选择，又点会用自己嘅余生自由只系去换一门知识？实情系，如果请大状帮忙，佢系会有经济上嘅担忧。 喺呢度，小编恳请各位，如果可以嘅话，请subscribe patreon。一个人嘅力量有限，我希望可以借大家嘅力量，为吴生提供多一个选择。亦都希望可以畀佢知道，面对呢啲困难，虽然我哋可以做到嘅唔多，但亦都唔会掉低佢一个自己喺度硬撑… 小编在此感谢各位 支持吴政亨(李伯卢)关注组 Patreon： 吴政亨（李伯卢）关注组： Fb: Ig: #香港 #初选大搜捕 #47人 #吴政亨 #李伯卢

#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

【羊村首次实体活动羊村保卫战-公义教育日营】

【羊村首次实体活动羊村保卫战-公义教育日营】 羊村2.0X @kongtinue_org @sheepvillage2.0 除咗有得睇、有得听羊村嘅故事，依加仲有以羊村作为故事背景嘅实体活动啦！（唔知梁振英会唔会见到，可以帮手宣传一下） Kongtinue一班年轻朋友过去都有筹备同组织儿童活动嘅经验，佢哋亦都好有心系英国继续支援香港儿童。所以我哋邀请咗Kongtinue同我哋合作，制作咗一个以羊村作为故事背景的日营活动，并且联同 @hongkongersuk 港侨喺唔同地区搞呢个日营活动。继续将香港人真实嘅历史同价值继续喺英国广传开去。 虽然羊村嘅故事多次受到打压，但系我哋唔会放弃，只会将羊村继续发扬光大。如果大家有兴趣参加今次嘅羊村实体活动，就记得报名啦！其他地区嘅朋友都可以follow Kongtinue嘅Facebook，佢哋之后都会陆续喺唔同地区举行羊村实体活动架！ #羊村 #UK #Guildford #传承 #羊村绘本 #羊村十二勇士 #羊村清道夫 #羊村守卫者 #国安法 #文字狱 #欲加之罪 #荒谬法治 #法治之刀

系咪突然出现好多「ZA互帮」嘅讯息？小心！呢啲都系嚟自中资虚拟银行「众安银行 ZA Bank」嘅宣传。

系咪突然出现好多「ZA互帮」嘅讯息？小心！呢啲都系嚟自中资虚拟银行「众安银行 ZA Bank」嘅宣传。 众安银行主要由中资众安在线(47%)同百仕达(41%)持有。用佢嘅服务唔系入少少钱咁简单，而系将你嘅个人资料同资金流动提供咗俾人哋。喺使用佢哋嘅服务之前，请谂多一次系咪必要。 至于喺公开论坛(例如连登)张贴自己嘅银行连结，等同俾人查返自己真实身份，即系「自爆」！千祈唔好为咗几蚊而暴露自己私隐！ 谨记，免费嘅嘢最贵。 #中资 #中资银行 #ZA #ZABank #众安 #众安银行 #虚拟银行 #个人资料 #网络安全 #私隐