#手足投稿 Full article posted by IG @rehk_neverforget

#手足投稿 Full article posted by IG @rehk_neverforget //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每个人民都系 CCTV。我微讯有排无更新饮饮食食，已经有人质疑，仲喺大陆（深圳）嘅朋友都已经感觉到我有去革命。然后发生咗啲事，我洗咗个微讯啲朋友圈，即刻每日 post 返啲饮饮食食相，但都感觉到自己无得再返去⋯⋯ 我哋单喺深圳嘅教育，已经系自小已知道无论父母几锡你朋友对你几好，都唔可以相信，我就系怀住呢份恐惧长大。曾经被朋友警告会督灰，只系因为讲过少少反对嘅声音，而父母，我虽然好爱佢哋，但亦知道有咩事上嚟佢哋实『大义灭亲』。好羡慕香港人可以有信得过嘅朋友，信得过嘅家人，一过咗关就系另一世界。// #洗脑教育 #督灰 #自由国度 #民主是个好东西

Posted by IG @rehk_neverforget

Posted by IG @rehk_neverforget 全文: //之前睇过本书叫《罪行海洋》，里面有啲内容同近日骗案好似。呢个问题因为最近捉多咗台湾及香港人浮面，但其实一直存在，问题亦非常严重。香港政府处理手法咁慢，大概除咗港共同中共一样视人命无物外，就系因为呢类骗案永远比你能想像嘅规模更大更悠久，我怀疑系政府间一早变成「普通骗案」去睇，如果唔系有媒体爆出嚟，俾压力港共去做吓样「解决」，根本就唔会多理。// #kk园区 #垃圾港共 #柬埔寨 #Cambodia #缅甸 #Myanmar #一带一路 #诈骗集团 #人口贩卖

Post by @rehk_neverforget

Post by @rehk_neverforget 19.9.2021 记录 . #节录 // 612 同埋石墙花消失，虽然两者有啲位的确处理得非常差，但香港嘅手足，有啲案件及支援突然断咗，一时间都会彷徨无助。有啲好叻，可以有方法慢慢解决，但有啲就有困难，然而香港嘅政治气氛已经好难再有人支撑落去。 . 系好多黄店，但信得过又可以支援嘅好少好少。有时甚至因为危险程度及身份问题，拒绝帮忙嘅亦有。我唔怪拒绝嘅人，始终香港已经草木皆兵，但食黄店一定帮到手足嘅谂法大家系时候要转变，唔系一定帮唔到，但亦唔一定帮到，帮唔到嘅似乎占多数。 . 至于海外组织，好多钱都攞咗去帮移民家庭以及自称手足但嚟旅行嘅人，有堆人嚟到攞晒资助后话返香港或去其他地方，𠮶啲资助夹夹埋埋，可能已帮到香港某啲手足堂费或心理支援。上庭除咗要俾律师费，仲有好多杂费及其他支出要搞，呢啲都系难以理解嘅费用。 . 我唔知仲可以点帮到佢哋，香港认识嘅人唔系走咗就系被捕或者自己都未顾掂自己，连帮手探开监嘅朋友，都唔可以再去探监，或者即将探唔到人监。 . 好多事情无奈，望住新嘅「国民教育」科，觉得我哋呢代好似一个断层。上面提倡和平理性抗共，明显中共理你白痴；下面将会被洗脑，抗争历史将会被改写。呢场革命嘅现实系好可悲，可悲在于好多人以为好易就成功，好多人以为好易就可以抵抗洗脑，以为走咗仲系有香港人社群咪得。其实唔系咁简单，一切简化都只系中共风向技俩。革命从来系长期且痛，喺阵痛中寻找可以行嘅路。路，只有少数人想继续行，系唔够。 . 图中两段摘录，出自中国学者，不过配落今日香港所谓嘅完善教育，真系好撚衬。// #中秋 #国民教育 #education #移民 #香港独立唯一出路 #hk #hongkong #hkprotest #前线 #流亡 #exile #brainwashed #洗脑 #洗脑教育

IG @chris31416 // 是咁的 如果有留意开我哋ig嘅朋友

IG @chris31416 // 是咁的 如果有留意开我哋ig嘅朋友 都会发觉我哋近排多咗出一啲比较社会性嘅post 反而比较少出我哋product嘅资讯 可能因为咁样 我哋5月8日收到「温馨提示」 内容大致系以下呢几点： 1. 你唔需要理我哋系咩人 呢个亦唔系官方行动 2. 听完之后你自己谂要点做 3. 你哋ig出嘅post谂清楚系唔系要咁样出 4. 请你哋认真考虑一下 5. 后果自负 好老实讲 当刻系有啲惊嘅... 我都不停睇番呢排出嘅post有咩问题... 我最后嘅结论系 #惊西咩 // #白色恐怖 #温馨提示 #neversurrender #香港人平安 #极权统治

Post on IG @banyantreeaid #细叶榕

Post on IG @banyantreeaid #细叶榕 // 又嚟到沉重嘅六月，谂咗好耐都唔知同大家讲乜。 早几日见到有人分享某位还押人士嘅 Patreon， 叫人直接subscribe 就好了，其余𠮶啲祝平安、保重可以唔使讲。 问候说话系廉价。 金钱上嘅支援其实都系廉价。 世界上系无野可以弥补到失去嘅宝贵光阴。 而我哋呢啲比较侥幸嘅人，只可以尽力去做啲嘢令到在囚人士知道仲有人关心佢哋。 我哋好早之前访问咗三位手足，佢哋希望透过访谈将自己被捕后嘅感受讲出嚟。 希望你哋睇完之后有所启发。 最后，多谢所有受访手足、义务拍摄嘅导演与及所有制作人员 // #在囚支援 #囚权 #在囚手足 #毋忘手足

//中学时睇过《动物农庄》，一直只觉得讲紧苏联同共产党，就好似睇一九八四咁，你唔会联想起一个民主自由抗争。但三年过去，经历多咗，

//中学时睇过《动物农庄》，一直只觉得讲紧苏联同共产党，就好似睇一九八四咁，你唔会联想起一个民主自由抗争。但三年过去，经历多咗，发现《动物农庄》好多事都可以引以为鉴，作为持续抗争一个重要提醒。// #动物农庄 #animalfarm #抗争 #苏联 #共产党 IG @rehk_neverforget