全文 post by IG @hkctuuu

全文 post by IG @hkctuuu 如想知道羊小龄最新状况，可以follow ig @manlinthanks 【羊村工会主席黎雯龄还押第十二日狱中书】 #要 好感激每日都有人嚟探我，每日下昼都好期待姑娘电话响同嗌我number，真系好开心，好多谢大家冇忘记我 其实，你问我有冇被捕心理准备，系有嘅。就好似押我上庭个警察，佢都有问我有冇谂过变成呢个后果，然后佢再补一句：「不过你呢啲人系为信念㗎嘛，系咪？」 太多现实嘅考量，令到我忽视咗整个被捕、上庭、还押嘅过程，本身系咪符合公义，即系「我有冇做错事呢？」而如果我系冇，佢凭咩拉我，凭咩还押我呢？ 即使身陷囹圄，都唔能够放弃思考。 一旦习惯，就会放弃挣扎，令本身属于自己嘅权利都放弃埋，绝对系非常危险。 放眼而家嘅社会，现实固然越嚟越残酷，但心态能够影响我哋点样看待呢个社会同现实。肉身能够被囚禁，但思想唔可以，但愿我哋都能够守住心入面嘅一片净土。 黎雯龄Lorie 4.8.2021 (还押于大榄女惩教所第12日) #一人受困我们无一自由 #羊村案 #言语治疗 #被捕人士 #囚权 #写信师 寄信注意事项 信件请寄：油麻地弥敦道557号永旺行19楼 信封面注明：羊村收信部（请标明寄予黎雯龄或杨逸意 ）

#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

#手足投稿 全文:

#手足投稿 全文: 1.10.2021 记录 . // 仲喺香港嘅朋友话已经好少人觉得要帮手足，事隔咁耐，每个人都应该可以生活到。其实不然，好多 2019 年已去咗外国，有身份嘅当然已开始慢慢适应生活。但 2020 年啱啱走甩嘅，面对变幻国际局势，身份未定真系唔能够太大安旨意。而仲留喺香港嘅，有朋友啱啱出嚟做嘢，因为被捕过随时要上庭无咗份工；有继续返工嘅受政治打压而随时失业，经济亦未必能够完全自立；有啲未毕业嘅，因为抗争无得再返学，面临上庭压力同家庭压力，情绪仍未能平伏；有啲坐紧；有啲因为要上庭，除咗律师费仲需要好多钱去揼靓 case。 . 钱嘅问题当然易讲，但佢哋更大面对嘅系心理压力。有位同我讲，喺香港再揾唔到人倾计，因为身边嘅人，即使系同路人，有啲事无面对过嘅话系唔会明白，甚至讲咗好多难听说话。仲喺香港嘅佢哋，唔可以再好似以前咁易揾到信得过嘅心理支援，即使有都无财力可以负担，加上移民潮同被捕潮，好多都喺失去应有心理支援下承受巨大压力。口可以好轻松讲去坐吓，但唔多唔少对于长时间审讯及进进出出监狱都感到好攰。 . 写出嚟，唔系要大家捐款或者去揾手足倾计，而系想大家知道确实发生紧嘅事。有时坐监唔系最折磨，反而系生活上离唔开抗争影子，未来亦离唔开，先系一种折磨。有人叫我朋友「睇开啲，走出个圈啦，人始终要生活。」，可惜审讯未完，或者身份未定，甚至你亲友坐紧，或者自己将要去坐，一切都唔能够轻易话「离开个圈抖吓咪得」。// #在囚手足 #在囚 #手足 #移民 #香港独立唯一出路 #hk #hongkong #hkprotest #前线 #流亡 #exile #心理 #心理支援 #上庭

Post on IG @wordsforhkers

Post on IG @wordsforhkers #勿忘初衷 #香港人加油 #撑同路人 #黄店 #黄色经济圈 请香港人 勿忘初衷 最近个案回落，好多人都出返嚟行街食饭，终于见返好多人嘅商场。虽然迫就系迫左啲，啲商舖总算有啲生意，唔使执笠住。 不过，就连啲蓝店都好好生意。 勿忘初衷呢几年俾人讲到滥晒。但今次真系想大家勿忘初衷。帮衬蓝店系必须嘅话，咁当然系冇办法啦。不过有得选择嘅话，都系支持返一啲良心小店啦。

Artist IG @watchit.comics

Artist IG @watchit.comics // 我个年纪最先认识到佢嘅应该就系硬币上嘅头像 童年时一个小小嘅硬币 已经足以买到几款零食 换嚟十几分钟嘅愉快 一个好小事就开心嘅时期 以前拎住𠮶五蚊银 已经买到三包老母面有找 而家一包买唔买到？ 我都唔清楚 已经好耐冇食 英女皇嘅硬币系香港已经愈嚟愈少见 或者有日你偶然找钱时遇上英女皇硬币 你会望住个硬币感慨 有d 事.地.人 都已经唔同晒喇 R.I.P // #QueenElizabethII #英女皇 #RestInPeace #RIP #事头婆 #ElizabethII #伊利沙伯二世

Art by @spitty_spider

Art by @spitty_spider 寻日有1则好好笑嘅新闻 特首李家超话要成立应变反驳队，于社交媒体为23条立法护航，真系荒诞离奇 不过其实中国一早有类似嘅网军存在，即系俗称"5毛"，收钱帮中共做网络打手嘅人士 只系估唔到香港都准备成立类似嘅嘢啫，仲要做得咁明显，咁理直气壮，都唔知应该嬲定笑先啱 #应变反驳队 #五毛 #垃圾港共 #廿三条 #网军 #网络打手