#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

#手足投稿 Full article posted by IG @rehk_neverforget

#手足投稿 Full article posted by IG @rehk_neverforget //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每个人民都系 CCTV。我微讯有排无更新饮饮食食，已经有人质疑，仲喺大陆（深圳）嘅朋友都已经感觉到我有去革命。然后发生咗啲事，我洗咗个微讯啲朋友圈，即刻每日 post 返啲饮饮食食相，但都感觉到自己无得再返去⋯⋯ 我哋单喺深圳嘅教育，已经系自小已知道无论父母几锡你朋友对你几好，都唔可以相信，我就系怀住呢份恐惧长大。曾经被朋友警告会督灰，只系因为讲过少少反对嘅声音，而父母，我虽然好爱佢哋，但亦知道有咩事上嚟佢哋实『大义灭亲』。好羡慕香港人可以有信得过嘅朋友，信得过嘅家人，一过咗关就系另一世界。// #洗脑教育 #督灰 #自由国度 #民主是个好东西

[下集大结局]已经唔记得到咗第几日

[下集大结局] 已经唔记得到咗第几日 呢段时间里面不停都有出面嘅朋友帮我哋揾路走 虽然我队人大部份选择咗匿喺某啲房里面等完场 但我哋某几个人就决定点都出去做啲嘢先 而我就去咗教啲误入POLY嘅人走 仲记得𠮶阵我提议不如我哋都试吓走啦 但我得到嘅答案系 「条路唔系100%安全我唔会试」 我屌啦 有100%安全呢度点会仲有人呀 仲有𠮶阵其实好憎立场 因为每有一条生路佢就报出嚟 我又屌啦 你估啲狗唔识睇立场呀？ 其实立场系咪鬼嚟㗎 唔好问我做乜唔自己走先啦系咁先啦 齐上齐落吖嘛 所以我哋就系咁样浑浑噩噩左匿右匿过咗几日 直到某一晚气氛突然间变得好紧张… Post by IG @neaes_intl_hk #理大围城 #理大保卫战 #理大 #流亡 #香港手足

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每个人民都系 CCTV。我微讯有排无更新饮饮食食，已经有人质疑，仲喺大陆（深圳）嘅朋友都已经感觉到我有去革命。然后发生咗啲事，我洗咗个微讯啲朋友圈，即刻每日 post 返啲饮饮食食相，但都感觉到自己无得再返去⋯⋯ 我哋单喺深圳嘅教育，已经系自小已知道无论父母几锡你朋友对你几好，都唔可以相信，我就系怀住呢份恐惧长大。曾经被朋友警告会督灰，只系因为讲过少少反对嘅声音，而父母，我虽然好爱佢哋，但亦知道有咩事上嚟佢哋实『大义灭亲』。好羡慕香港人可以有信得过嘅朋友，信得过嘅家人，一过咗关就系另一世界。 // 原文： 支持：

Post by @rehk_neverforget

Post by @rehk_neverforget 19.9.2021 记录 . #节录 // 612 同埋石墙花消失，虽然两者有啲位的确处理得非常差，但香港嘅手足，有啲案件及支援突然断咗，一时间都会彷徨无助。有啲好叻，可以有方法慢慢解决，但有啲就有困难，然而香港嘅政治气氛已经好难再有人支撑落去。 . 系好多黄店，但信得过又可以支援嘅好少好少。有时甚至因为危险程度及身份问题，拒绝帮忙嘅亦有。我唔怪拒绝嘅人，始终香港已经草木皆兵，但食黄店一定帮到手足嘅谂法大家系时候要转变，唔系一定帮唔到，但亦唔一定帮到，帮唔到嘅似乎占多数。 . 至于海外组织，好多钱都攞咗去帮移民家庭以及自称手足但嚟旅行嘅人，有堆人嚟到攞晒资助后话返香港或去其他地方，𠮶啲资助夹夹埋埋，可能已帮到香港某啲手足堂费或心理支援。上庭除咗要俾律师费，仲有好多杂费及其他支出要搞，呢啲都系难以理解嘅费用。 . 我唔知仲可以点帮到佢哋，香港认识嘅人唔系走咗就系被捕或者自己都未顾掂自己，连帮手探开监嘅朋友，都唔可以再去探监，或者即将探唔到人监。 . 好多事情无奈，望住新嘅「国民教育」科，觉得我哋呢代好似一个断层。上面提倡和平理性抗共，明显中共理你白痴；下面将会被洗脑，抗争历史将会被改写。呢场革命嘅现实系好可悲，可悲在于好多人以为好易就成功，好多人以为好易就可以抵抗洗脑，以为走咗仲系有香港人社群咪得。其实唔系咁简单，一切简化都只系中共风向技俩。革命从来系长期且痛，喺阵痛中寻找可以行嘅路。路，只有少数人想继续行，系唔够。 . 图中两段摘录，出自中国学者，不过配落今日香港所谓嘅完善教育，真系好撚衬。// #中秋 #国民教育 #education #移民 #香港独立唯一出路 #hk #hongkong #hkprotest #前线 #流亡 #exile #brainwashed #洗脑 #洗脑教育

一个属于我地，冇审查嘅平台，唔会因为讲咗敏感字眼而被封帐。我地集合咗所有海外香港人所需要嘅资讯。无论你有咩疑问，喺呢度你都可以揾

一个属于我地，冇审查嘅平台，唔会因为讲咗敏感字眼而被封帐。我地集合咗所有海外香港人所需要嘅资讯。无论你有咩疑问，喺呢度你都可以揾到你嘅答案！ 地区及主题群组：喺我地度，可以喺指定地区内揾到志同道合嘅香港人，无论想倾下生活疑难定组织区内兴趣活动都话咁易：大食会、 羽毛球gp、 跑会 1 click 就揾到！ 生活资讯QnA：唔论系生活上嘅大小事，例如税务、买楼、升学，甚至系买𩠌，都可以喺我哋平台揾到相关资讯同解答。 香港人商户目录：买楼要揾律师楼、开公司要揾会计师；我地集合咗英国各地嘅香港人舖头同地区组织联络资讯，仲有香港人活动资讯，只需一揿，就可以揾到你需要嘅一切！ App Store: Google play: #MobileApp #OURS #我地头