#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每

#手足投稿 //啲人话党唔会咁浪费资源去逐个睇你，紧系啦，我哋自细教育就系督灰，我哋自细教育就系党嘅监控机器。只要由教育入手，每个人民都系 CCTV。我微讯有排无更新饮饮食食，已经有人质疑，仲喺大陆（深圳）嘅朋友都已经感觉到我有去革命。然后发生咗啲事，我洗咗个微讯啲朋友圈，即刻每日 post 返啲饮饮食食相，但都感觉到自己无得再返去⋯⋯ 我哋单喺深圳嘅教育，已经系自小已知道无论父母几锡你朋友对你几好，都唔可以相信，我就系怀住呢份恐惧长大。曾经被朋友警告会督灰，只系因为讲过少少反对嘅声音，而父母，我虽然好爱佢哋，但亦知道有咩事上嚟佢哋实『大义灭亲』。好羡慕香港人可以有信得过嘅朋友，信得过嘅家人，一过咗关就系另一世界。 // 原文： 支持：

Post by @rehk_neverforget

Post by @rehk_neverforget 19.9.2021 记录 . #节录 // 612 同埋石墙花消失，虽然两者有啲位的确处理得非常差，但香港嘅手足，有啲案件及支援突然断咗，一时间都会彷徨无助。有啲好叻，可以有方法慢慢解决，但有啲就有困难，然而香港嘅政治气氛已经好难再有人支撑落去。 . 系好多黄店，但信得过又可以支援嘅好少好少。有时甚至因为危险程度及身份问题，拒绝帮忙嘅亦有。我唔怪拒绝嘅人，始终香港已经草木皆兵，但食黄店一定帮到手足嘅谂法大家系时候要转变，唔系一定帮唔到，但亦唔一定帮到，帮唔到嘅似乎占多数。 . 至于海外组织，好多钱都攞咗去帮移民家庭以及自称手足但嚟旅行嘅人，有堆人嚟到攞晒资助后话返香港或去其他地方，𠮶啲资助夹夹埋埋，可能已帮到香港某啲手足堂费或心理支援。上庭除咗要俾律师费，仲有好多杂费及其他支出要搞，呢啲都系难以理解嘅费用。 . 我唔知仲可以点帮到佢哋，香港认识嘅人唔系走咗就系被捕或者自己都未顾掂自己，连帮手探开监嘅朋友，都唔可以再去探监，或者即将探唔到人监。 . 好多事情无奈，望住新嘅「国民教育」科，觉得我哋呢代好似一个断层。上面提倡和平理性抗共，明显中共理你白痴；下面将会被洗脑，抗争历史将会被改写。呢场革命嘅现实系好可悲，可悲在于好多人以为好易就成功，好多人以为好易就可以抵抗洗脑，以为走咗仲系有香港人社群咪得。其实唔系咁简单，一切简化都只系中共风向技俩。革命从来系长期且痛，喺阵痛中寻找可以行嘅路。路，只有少数人想继续行，系唔够。 . 图中两段摘录，出自中国学者，不过配落今日香港所谓嘅完善教育，真系好撚衬。// #中秋 #国民教育 #education #移民 #香港独立唯一出路 #hk #hongkong #hkprotest #前线 #流亡 #exile #brainwashed #洗脑 #洗脑教育

#手足投稿 全文:

#手足投稿 全文: 1.10.2021 记录 . // 仲喺香港嘅朋友话已经好少人觉得要帮手足，事隔咁耐，每个人都应该可以生活到。其实不然，好多 2019 年已去咗外国，有身份嘅当然已开始慢慢适应生活。但 2020 年啱啱走甩嘅，面对变幻国际局势，身份未定真系唔能够太大安旨意。而仲留喺香港嘅，有朋友啱啱出嚟做嘢，因为被捕过随时要上庭无咗份工；有继续返工嘅受政治打压而随时失业，经济亦未必能够完全自立；有啲未毕业嘅，因为抗争无得再返学，面临上庭压力同家庭压力，情绪仍未能平伏；有啲坐紧；有啲因为要上庭，除咗律师费仲需要好多钱去揼靓 case。 . 钱嘅问题当然易讲，但佢哋更大面对嘅系心理压力。有位同我讲，喺香港再揾唔到人倾计，因为身边嘅人，即使系同路人，有啲事无面对过嘅话系唔会明白，甚至讲咗好多难听说话。仲喺香港嘅佢哋，唔可以再好似以前咁易揾到信得过嘅心理支援，即使有都无财力可以负担，加上移民潮同被捕潮，好多都喺失去应有心理支援下承受巨大压力。口可以好轻松讲去坐吓，但唔多唔少对于长时间审讯及进进出出监狱都感到好攰。 . 写出嚟，唔系要大家捐款或者去揾手足倾计，而系想大家知道确实发生紧嘅事。有时坐监唔系最折磨，反而系生活上离唔开抗争影子，未来亦离唔开，先系一种折磨。有人叫我朋友「睇开啲，走出个圈啦，人始终要生活。」，可惜审讯未完，或者身份未定，甚至你亲友坐紧，或者自己将要去坐，一切都唔能够轻易话「离开个圈抖吓咪得」。// #在囚手足 #在囚 #手足 #移民 #香港独立唯一出路 #hk #hongkong #hkprotest #前线 #流亡 #exile #心理 #心理支援 #上庭

香港在囚手足的未来Posted by IG @hkliberationcoalition

香港在囚手足的未来 Posted by IG @hkliberationcoalition 社运至今接近4年，香港经历紧社运前所未有嘅后社运低潮，亦系可视嘅将来都唔会再出现好似2019年咁大规模嘅社运，但系我恳请大家唔好忘记仲有一班为我哋付出过嘅手足。系嚟段时间入面，到底有几多手足正身陷囹圄，又或者系正等待被不公义嘅法庭审判？ 被控暴动、罪成人数 截至 2022 年 12 月 21 日，参考《法庭线》按法庭纪录及报道统计被控暴动人数及罪成人数为： 819 人被控暴动，至今约四成案件审结。 今年内，再有 37 人（39 人次）被起诉或加控。 今年内，共有 208 人（209 人次）的暴动案审结，9 人罪名不成立，其余 199 人（200 人次）罪成。 最重判刑 5年半，属2022年暴动案中最重判刑。 案件为两名男生被指在上水向七旬清洁工掟砖，在高院审结，陪审团裁定误杀罪不成立、暴动罪成。 国安法相关案件数据 自国安法生效以来，多达230人被捕，140人被起诉，超过30人已被判刑，定罪率为百分之百。 放学手足嘅去向系我哋要思考嘅问题，多数被控暴动嘅手足出狱后都因为有案底而令佢哋系有限嘅空间下发挥佢哋嘅所有，因此有啲手足希望可以系另一个地方生活。所以我哋相信，而家我哋可以帮手足揾定佢哋放学后嘅出路，减轻佢哋出狱后重投社会嘅压力。我哋会陪伴所有在囚或曾在囚嘅手足，直至佢安顿好以后嘅生活。 #冤狱 #革命无罪 #历史会判我们无罪 #先有暴政才有民愤 #毋忘手足 #毋忘抗争 #政治犯 #欲加之罪 #冤狱 #国安法

#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

IG @chris31416 // 是咁的 如果有留意开我哋ig嘅朋友

IG @chris31416 // 是咁的 如果有留意开我哋ig嘅朋友 都会发觉我哋近排多咗出一啲比较社会性嘅post 反而比较少出我哋product嘅资讯 可能因为咁样 我哋5月8日收到「温馨提示」 内容大致系以下呢几点： 1. 你唔需要理我哋系咩人 呢个亦唔系官方行动 2. 听完之后你自己谂要点做 3. 你哋ig出嘅post谂清楚系唔系要咁样出 4. 请你哋认真考虑一下 5. 后果自负 好老实讲 当刻系有啲惊嘅... 我都不停睇番呢排出嘅post有咩问题... 我最后嘅结论系 #惊西咩 // #白色恐怖 #温馨提示 #neversurrender #香港人平安 #极权统治