举报懒人包 有人想脱离大湾区 点样送佢返去?

举报懒人包 有人想脱离大湾区 点样送佢返去? 随住加拿大进一步扩阔救生艇移民政策，除咗有需要考虑移民嘅香港人之外，更可能有一啲本身唔应该受惠于救生艇嘅申请者尝试离开大湾区。政策中门大开看似无法阻止，但其实一介市民都有办法帮助加拿大相关监管机构把关，提供资料令申请者可能无法通过背景审查。 详细说明介绍点样向CBSA举报，同埋会提供一啲范例嘅举报： Credit: @somebody.hk #举报 #懒人包 #拥抱大湾区 #Canada #共谍 #共匪 #移民

#手足投稿阻阻大家少少时间

#手足投稿 阻阻大家少少时间 因为仲有大约30日就要判刑了 涉及暴动及攻击性武器 情况唔乐观 而家面临好多困难 想请大家帮帮手 希望各位有时间嘅时候可以睇一睇我ig 里面有详尽交代我而家嘅情况 都差唔多自爆晒 嚟紧会尽量努力每日更新 同埋解答大家的怀疑 费事太长大家唔想睇 呢边就写住咁多先 下面系link

#手足投稿 全文:

#手足投稿 全文: 1.10.2021 记录 . // 仲喺香港嘅朋友话已经好少人觉得要帮手足，事隔咁耐，每个人都应该可以生活到。其实不然，好多 2019 年已去咗外国，有身份嘅当然已开始慢慢适应生活。但 2020 年啱啱走甩嘅，面对变幻国际局势，身份未定真系唔能够太大安旨意。而仲留喺香港嘅，有朋友啱啱出嚟做嘢，因为被捕过随时要上庭无咗份工；有继续返工嘅受政治打压而随时失业，经济亦未必能够完全自立；有啲未毕业嘅，因为抗争无得再返学，面临上庭压力同家庭压力，情绪仍未能平伏；有啲坐紧；有啲因为要上庭，除咗律师费仲需要好多钱去揼靓 case。 . 钱嘅问题当然易讲，但佢哋更大面对嘅系心理压力。有位同我讲，喺香港再揾唔到人倾计，因为身边嘅人，即使系同路人，有啲事无面对过嘅话系唔会明白，甚至讲咗好多难听说话。仲喺香港嘅佢哋，唔可以再好似以前咁易揾到信得过嘅心理支援，即使有都无财力可以负担，加上移民潮同被捕潮，好多都喺失去应有心理支援下承受巨大压力。口可以好轻松讲去坐吓，但唔多唔少对于长时间审讯及进进出出监狱都感到好攰。 . 写出嚟，唔系要大家捐款或者去揾手足倾计，而系想大家知道确实发生紧嘅事。有时坐监唔系最折磨，反而系生活上离唔开抗争影子，未来亦离唔开，先系一种折磨。有人叫我朋友「睇开啲，走出个圈啦，人始终要生活。」，可惜审讯未完，或者身份未定，甚至你亲友坐紧，或者自己将要去坐，一切都唔能够轻易话「离开个圈抖吓咪得」。// #在囚手足 #在囚 #手足 #移民 #香港独立唯一出路 #hk #hongkong #hkprotest #前线 #流亡 #exile #心理 #心理支援 #上庭

#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

MAY 7 「温哥华手足」街站义工招募：关注在囚手足

MAY 7 「温哥华手足」街站义工招募：关注在囚手足 自从通过国安法后，香港人权民主状况极速倒退，大批市民被指控违反国安法、参与初选嘅泛民人士喺审判前已囚禁超过两年。近期因为网上言论而被捕、被监禁嘅人更不断增加，以言入罪情况愈趋严重。 而家喺香港游行都要挂牌围圈、申请游行都会面对无可想像嘅威吓，基本人权自由完全受剥削。 「温哥华手足」将喺5月7号（日）举办街站，呼吁海外港人同本地人关注香港人权状况，强烈要求释放所有政治犯！持续支援细叶榕！ 当日Anvil Center 内有「香港人市集」，我哋希望藉住咁多香港人聚集，鼓励更多香港人嚟到海外都唔好忘记香港嘅手足，了解而家嘅自由系建基于无数在囚手足嘅牺牲，海外嘅我哋系绝对有责任持续关注香港情况！ 街站好需要大家帮手！ 日期：2023年5月7日（日） 时间：1:30-5:00pm 地点：Anvil Center 外, New Westminister 可以帮手做义工或有任何查询请联络： - IG PM @vanactivistshk - TG PM @VAHKTeam - email: [email protected] #温哥华 #Canada #在囚手足 #声援在囚手足 #冤狱 #莫须有 #以言入罪

愿荣光归香港Posted by IG @wordsforhkers

愿荣光归香港 Posted by IG @wordsforhkers 仲记唔记得呢首歌？ 一首你一听就会钟意， 一首你一听就会感动， 一首你一听就会自豪自己系香港人嘅歌。 佢陪伴香港人走过游行走过18区人链。 仲记得𠮶时一奏起呢首歌， 大家手拖住手一齐唱， 有啲人会藐视你， 有啲人会多谢你赞赏你嘅付出， 不论系掌声或者批评， 都唔会影响到你嘅坚持同埋决心。 𠮶时中四， 唱着呢首歌嘅我， 为终于能够为香港付出少少而感到骄傲同埋开心， 但系而家呢种感觉已经冇晒。 即使而家冇人链冇游行冇得出街表达诉求， 可能迟啲会连ig 都唔俾讲人话， 都希望大家都唔好忘记呢首歌， 我愿荣 光归香港。 #愿荣光归香港 #香港加油 #香港人加油 #光复香港时代革命