系呀 我地卖傻呀之前筹备卖糭嘅时候，首先我写信俾老板话去探佢嘅时候同佢研究呢个项目。

系呀 我地卖傻呀 之前筹备卖糭嘅时候，首先我写信俾老板话去探佢嘅时候同佢研究呢个项目。 老板一见到我，佢就笑住话「哈哈哈哈糭好呀，卖傻呀，你知唔知呢啲人成日都将个糭字写左做傻字，你知唔知呀？傻人有傻福啊⋯⋯ 」（下删好多好多字继续讲紧烂gag) 隔住块玻璃嘅我笑而不语... 我谂...你呢啲咪叫傻啰... 到终于可以入返正题我就同老细讲整只大啲嘅傻可以放多啲嘢入去，佢问大只会唔会食唔晒... 其实而家发觉冇乜嘢系好食得过同身边嘅人食，一家人食... 暂时我唔可以，但我希望其他人可以。所以大只啲多啲人食啦，系一种福。 佢对大眼睛即刻变得水汪汪，净系答咗一句「好」 然后呢个话题现场再讲唔到落去，佢最后写信俾我问可唔可以make sure个傻入边有虾？因为佢想有「哈哈哈哈哈」 睇完之后... 我决定将今次嘅项目命名为《傻人有糭福》 而家网上可以喺友利杂货店优先预订，售完即止。 P.S. 特登拣咗呢啲相俾你哋睇吓咩叫傻，痴痴呆呆坐埋一枱，好挂住佢 #端午节 #黄店 #撑小店 #良心店 #撑同路人 Source: Happy Belly Hong Kong

#老汤 - 大家对佢嘅认识可能系一位因爆炸品案被判12年嘅手足，暂时香港坐政治监嘅纪录保持者。

#老汤 - 大家对佢嘅认识可能系一位因爆炸品案被判12年嘅手足，暂时香港坐政治监嘅纪录保持者。 就咁睇新闻，可能大家有个错觉佢系一个做咗先算嘅「勇武」手足。 但以我对佢嘅认识，其实佢仲系一位智者，佢嘅论述直到今日都仲系影响到我嘅想法，而且佢讲得出系做得到。 佢个单爆炸品案，其实仲有一段小插曲，我觉得好反映佢嘅为人的。 件事当然无可能系一个人能够做到，而老汤被捕后其他有风险的人亦被安排到安全的国度。 站在战友立场，咁我哋就自作聪明地传达讯息比佢叫佢考虑下技术性「笃灰」，我哋觉得反正无害到人而又有机会获得减刑就值得一试。 然而，他却是一口拒绝。 「咩原因都好，我唔想系我嘅动作会合理化咗笃灰呢件事。 如果因为咁而有机会搞到任何一位手足我都唔想，我宁愿挨耐啲。」 牢狱日子绝不好过，而佢嘅反应到今日都仲系影响紧我嘅价值观。 除咗尊敬，还是尊敬。 经过重重困难，老汤终于开到Patreon，我亦都见到当时人嘅亲笔信授权我写呢个故事，希望大家行有余力就支持下 #爆炸品案 #荃湾 #毋忘手足 #在囚手足 Source: 梁颂恒 fb

改图贺絵丽奈 杨润雄：涉政府新闻稿格式故须报警

改图贺絵丽奈 杨润雄：涉政府新闻稿格式故须报警 杨润雄今早出席立法会前厅交流会后，《独媒》记者问及「絵丽奈」事件，杨润雄回应时称：「早前有一啲改图呢，将我同有啲AV嘅演员⋯⋯女郎啦，咁叫啦。我其实都唔系好知宜家通常系点样称呼，连埋一齐话我恭贺佢，得到一啲奖项咁，咁呢个系绝对无呢件事。」 相关报导： ▌AV巨头片商首次有港人出道 网传杨润雄贺文 当局澄清绝无此事

Post on IG @wordsforhkers

Post on IG @wordsforhkers #勿忘初衷 #香港人加油 #撑同路人 #黄店 #黄色经济圈 请香港人 勿忘初衷 最近个案回落，好多人都出返嚟行街食饭，终于见返好多人嘅商场。虽然迫就系迫左啲，啲商舖总算有啲生意，唔使执笠住。 不过，就连啲蓝店都好好生意。 勿忘初衷呢几年俾人讲到滥晒。但今次真系想大家勿忘初衷。帮衬蓝店系必须嘅话，咁当然系冇办法啦。不过有得选择嘅话，都系支持返一啲良心小店啦。

【小编有一事相求】 呢个Post，我谂咗好耐点讲…

【小编有一事相求】 呢个Post，我谂咗好耐点讲… 事情系，小编需要大家嘅帮忙。 有留意开嘅朋友应该知道，吴生最近放弃咗法援。有法援帮助，已经需要自费一大笔费用，如果无申请法援，所需要畀嘅费用系更大更大。 吴生一直以嚟系屋企嘅经济支柱，虽然而家系烧紧积蓄，但佢一直都好担心自己喺无收入嘅情况下坐食山崩，亦都担心自己唔知要坐几耐，成为家人嘅负担。 所以佢由二月到而家，除咗生日𠮶两个星期之外，只食公家饭，唔食私饭。有朋友话：「睇相佢真系瘦咗好多…佢做咩唔食私饭呀？听讲公家饭xoxoxo (呢度我唔讲人哋点评论公家饭喇…无人食过，都系江湖传闻）」 面对呢啲问题，我有点手足无措。点解唔食？可以有咩原因？量入为出啰…之前佢曾经话自己食嘢无要求，我唔敢质疑呢句说话。但我见到嘅系，佢呢接近一年，瘦咗唔知几个码，由猪八戒变咗做孙悟空。唯一系佢食私饭𠮶2星期之后，生返少少肉。 点解我一直唔开诚布公，公开大大力叫大家subscribe patreon，去一齐喺财政上支持吴生？因为吴生一直扮无事。问亲都系:「ok嘅…唔使担心嘅…」 自己死撑。 咁点解而家小编又走出嚟希望大家帮忙？因为佢真系有需要。佢而家系会话：「睇下法律书咪当学多啲嘢！」但问心，打呢种国安案，佢仲要系畀人charge紧最重嘅「策划」，佢系一个理性嘅人，如果有选择，又点会用自己嘅余生自由只系去换一门知识？实情系，如果请大状帮忙，佢系会有经济上嘅担忧。 喺呢度，小编恳请各位，如果可以嘅话，请subscribe patreon。一个人嘅力量有限，我希望可以借大家嘅力量，为吴生提供多一个选择。亦都希望可以畀佢知道，面对呢啲困难，虽然我哋可以做到嘅唔多，但亦都唔会掉低佢一个自己喺度硬撑… 小编在此感谢各位 支持吴政亨(李伯卢)关注组 Patreon： 吴政亨（李伯卢）关注组： Fb: Ig: #香港 #初选大搜捕 #47人 #吴政亨 #李伯卢

因为你悲观!香港需要一次大reset

因为你悲观!香港需要一次大reset 唔好怪香港人唔撑返本地食肆，只可以话分野太过明显⋯ 香港： 扫QR code手机落单，自助斟水区，态度恶劣地掟餐落枱，收10% service charge，某啲閪舖仲要红日假期唔止收10%，茶钱又再贵啲 。最恐怖系某啲食肆啲餐具污糟到好似无洗过咁，见过只叉痴住啲菜，系成个lot无只干净 。最on9系叫佢换过只，佢拎黎果只都系痴住啲啡色物体。 内地： 食韩烧打老边全程有专人服侍帮你烧埋，态度有礼有问必答，地方又企理餐具又干净，有啲仲会帮你洗埋餐具，都唔系话咩高档食肆已经有咁嘅质素，仲要唔收服务费 。埋单就算兑返港纸对比香港食同类嘅嘢平成一半⋯ 可能有班on9会懒正义冲出黎话乜鸠支持本地经济，我都想，但一谂到之前啲经历，再衡量下，得出嘅结论系：根本唔抵帮 。 感谢 狗哥投稿！