气象巴打提提你风暴临近，预早做好防风措施！

气象巴打提提你 风暴临近，预早做好防风措施！ 热带气旋马鞍将于今晚进入南海，并于星期三晚间至星期四影响本港，气象巴打提提你，基于马鞍嘅大风区相对较紧密，预料明日初期天气仍然良好，但稍后时间天气将迅速转坏，风力亦会加强，所以请预早做好防风措施。身处低洼地区人士亦须留意可能会受风暴潮影响，应采取防水浸措施/做好随时撤离的准备。 #气象巴打提醒你 #风暴临近 #预早做好防风措施

吓死人咩！以为俄仔打到嚟?!

吓死人咩！以为俄仔打到嚟?! 话说政府喺前年（2020）年尾推出咗一个「紧急警示系统」嘅野，用以于紧急情况下向市民发布信息，自推出以嚟都未有用过，但今日下昼5点55分嘅时候，政府突然发出紧急警示，宣布QE改为武汉肺炎专属医院，叫人唔好去QE咁㖞。 本象收到个信息𠮶阵几乎吓到濑尿，以为俄仔真系打到嚟呀～ 查实政府呢个系统系类似宜家好多国家推出嘅手机版（EAS）系统，用嚟喺出现灾难性天灾人祸嘅时候，通知市民重要避险信息。 唔知今次政府系咪想顺便试下个系统WORK唔WORK呢？但用武肺医院呢个信息做紧急警示就真系太骑呢，究竟呢件事又有几紧急呢？ 唉～本象都要饮杯茶，定下惊先。唔该政府下次谂清楚件事有几紧急先发出警示啦～如果唔系最终只会变成「狼来了」系统㗎。 #吓死人咩 #俄仔打到嚟 #紧急警示系统 #气象巴打随笔

气象巴打认为，现时数值预报只系利用天气数值，再以超级电脑计算出嚟嘅结果，期间电脑并无考虑大气中会有其他野会牵动等混沌情况，故此天

气象巴打认为，现时数值预报只系利用天气数值，再以超级电脑计算出嚟嘅结果，期间电脑并无考虑大气中会有其他野会牵动等混沌情况，故此天文台预报天气，都需要喺数值预报以外，加返预报员们嘅思考分析，先得出正式天气预报。 就以呢个预计为例，欧洲中期预报预测热带气旋会经巴士海峡进入南海，但美国预报则预测热带气旋会转北往台湾东部海域。 况且，数值预报嘅预报时间越长，变数通常越大，所以气象巴打建议大家只作参考，可作准备，但无需过度恐慌。 #气象巴打随笔

气象巴打提提你各位早晨！今朝嘅天气好似唔错，但系担杆岛以南开始有雷雨带发展，虽然唔肯定会唔会影响到我地，但记得出门前要先睇睇天气

气象巴打提提你 各位早晨！今朝嘅天气好似唔错，但系担杆岛以南开始有雷雨带发展，虽然唔肯定会唔会影响到我地，但记得出门前要先睇睇天气呀～打算喺星期日登山远足同水上活动嘅巴打丝打就更加要做好事前评估，以免到时乐极生悲。 #气象巴打提醒你

香港天文台于今日15时40分发出强烈季候风信号，

香港天文台于今日15时40分发出强烈季候风信号， 并取消所有热带气旋警告信号。 气象巴打特别提醒各位： 虽然天文台取消咗热带气旋警告信号，但受强烈东北季候风嘅影响，本港仍然会受到偏北强风影响，离岸及高地间中仍会吹烈风，东部水域仍然风高浪急，所以各位仍应停止一切近岸及水上活动。 #天文台官方资讯 #气象巴打提醒你 #风高浪急

香港天文台发出特别天气提示，指珠江口以西的雷雨区将会于未来一两小时后为本港带嚟大雨。

香港天文台发出特别天气提示，指珠江口以西的雷雨区将会于未来一两小时后为本港带嚟大雨。 气象巴打建议各位，无论系咪会落大雨，出门前稳阵啲就带定把遮啦，另外要提醒揸车人士小心揸车，注意突然而来嘅阵风。 #天文台官方资讯 #特提 #气象巴打提提你 #小心地滑