拜年送礼送咩好？8间本地良心店贺年礼盒推介

拜年送礼送咩好？ 8间本地良心店贺年礼盒推介 Valérie Valerie嘅曲奇同蝴蝶酥真系好好食㗎！最紧要系佢哋有良心 望月 Patisserie La Lune 系望月啊，唔系望月楼～望月嘅月饼相信大家都听过，佢哋嘅曲奇同蝴蝶酥都同样出色，有传统口味，亦有日本茶口味 Alice Loves To Bake 佢哋自家制嘅凤梨酥同微热山丘有得比，去唔到台湾旅行都可以买嚟过吓口瘾，支持良心小店 良粮 香港人嘅良心网店，除咗有贺年糕点之外，仲有手工曲奇同蝴蝶酥礼盒 天天烘焙 做人最重要系有自由，呢间良心小店就畀大家自由配搭曲奇口味，包括肉松紫菜角仔、花生角仔、笑口枣、蛋散、芋虾、龙耳酥等 闺•家 唔想再送曲奇同蝴蝶酥咁行？今年可以试吓送汤，够晒温暖 阿木台湾生活百货 阿木除咗有凤梨酥之外，仲可以代购台湾嚟嘅礼盒。另外仲有台湾手作茶包，同埋挂耳咖啡包 逸东轩 逸东酒店嘅米芝莲中菜厅逸东轩，难得嘅良心酒店 Credit: timable #拜年 #送礼 #良心店 #黄店 #新年 #农历新年 #曲奇 #贺年糕点

Posted by 籽媒 @yseedsmedia /TG/IG/FB

Posted by 籽媒 @yseedsmedia /TG/IG/FB 全文： 采访、撰文、摄影：瘦瘦 这次以书信的方式写出这个专访，希望能与大家更亲近、更真诚更真心地介绍「荔记」。 // 籽媒的读者： 你近来好吗？我最近闲来去睇咗出戏《正义回廊》，好好睇呀！香港嘅天气渐冷，你记得多添衣。 其实我好怕系呢个天气打开雪柜，好冻呀！但系认识咗佢哋之后，我发现原来雪柜都可以系咁温暖。呢个就要由荔记嘅五个雪柜开始讲起。𠮶日，我上去见咗班新朋友，佢哋开左间新舖，系间团购店，名为「荔记」。细细嘅房入面内有五个雪柜。我脑海霎那闪过：「屋企唔会再有妈咪摆唔落隔夜𩠌嘅烦恼。」间房入面成箱成箱团购嘅食物，有水果、大闸蟹、甜品等，谂起呢度我又肚饿啦！！！！呢个天气，一碗暖酒也甚是刚好，真系好想即刻去荔枝角揾佢哋。原来大家一齐买同一样嘢，可以抵好多㖞。佢哋店铺真系乜都有，好想同你分享，希望你都可以尝试一番。 店铺由发仔、尚木和消防三人合作经营。发仔因为暴动入咗两次墙，而尚木同消防系因为携有爆炸品同汽油弹被捕。佢哋于同一期数喺荔枝角还柙相识，也是「荔记」之名嘅由来。曾经他们为香港赴汤蹈火不慎入墙，今日尚存微火，也期望在墙外为大家的生活带来一丝温暖。 尚木有好多好多嘅想法，期望为大家做得更多，小至团购，大如墙内外支援；消防则人如其名，在现实角度为尚木的热情灭火。// // 「荔记」嘅出现，有好多人会因为佢哋而感到鼓舞同感染，呢啲系对佢哋嘅肯定，深信存在主义嘅发仔讲：「系action同reaction嘅作用。」如果最近你好迷茫，唔知自己有咩价值，或者你可以试下跳出框框，运用你嘅想像力试下do something，可能就会创作出无数条道路，慢慢你就会陷入无限创作嘅漩涡，会发现自己可以做到更多。所以，你要勇于踏出你心中所想的第一步。 最后，若你路过荔枝角可上门寒暄，参观他们暖暖的雪柜，同时请代我向友问好。若有喜爱之物也请带它回家，为你提供饱温。// #撑同路人 #荔记 #荔枝角 #从墙内走到墙外 #坚持理念 #勿忘初心 #专题访问 #籽煤

2022年7月1日 香港军政府成立日

2022年7月1日 香港军政府成立日 Posted by IG @wordsforhkers 当李家超系中央唯一支持嘅候选人， 当警察成为行政长官， 当毅进仔都可以成为香港嘅领导， 当武力「统治」香港， 无奈已经表达唔到𠮶种情绪。 好嬲但系又改变唔到事实， 只怪自己唔系𠮶1500人入边。 咁我哋咁辛苦努力考入大学做乜嘢？ 想做特首嘅去做警察啦。 Btw 佢个顶系咪假发？ Btw 下届会唔会系PK TANG？ Btw 香港仲有咩希望？ 没有最差只有更差。 #走咗个柒婆 #嚟咗个柒头 #李家超 #比卡超 #爱国者治港 #黑警治港 #PoliceState

#手足投稿 #值得睇晒全文

#手足投稿 #值得睇晒全文 10.9.2021 记录 节录：// 理大嘅事，喺接近两年嘅距离，我最记得仍然系警暴警暴同警暴。被捕后只因读医科而被枪射脚嘅FA、无晒 GEAR 情况下黑警刻意喺隔离狂放催泪弹（话曱甴钟意闻所以喺我哋隔离放好多）、几个钟唔俾郁，一郁就踢你打你、痛唔可以出声⋯⋯ 仲有去到狗屋后嘅屈辱⋯⋯ 一切一切或者都唔会上到大银幕，或者讲出嚟只能换到一啲眼泪但传唔到好远。 . 当晚点解要留，点解要走，已成过去争论都无谓。我只记得听住队友亦系现任男友被黑警虐待嘅情节。「系我带佢嚟嘅」呢句，令佢受到不必要暴力对待。但其实系我带佢去理大，只系我当时被㩒住亦唔能够浪费佢句说话嘅苦心。 . 因为理大一役，除咗警暴亦承受好多不必要伤害。出嚟后被跟踪、被 hack account、屋企人朋友被跟踪调查、被所谓同路人耻笑、被质问⋯⋯ 因为暴动，之后亦因为其他革命罪行，我哋喺长刑期定流亡下选择离开香港，承受好大段自责时间，亦承受住好多不必要压力（包括被所谓同路人利用压力）。. 当时律师仲话我加加埋埋可能廿年，而家回望，可能系终身监禁。然而我哋做错啲咩？即使只计理大一役，我哋都应该要坐 4-5 年？喺「真系班学生搞搞阵㖞！」呢句下，系唔系应该至少问一条问题：点解我哋唔返屋企打机唔去行街拍拖，要去「搞搞阵」？ . 男友隔住半个地球，有次同我倾电话，佢讲笑咁话：「我哋一早识，但谂返转头，根本无拍过拖，所有一齐出街唔系去游行就系去集会去打，我都从未拖过你只手行街。」谂返理大𠮶晚，我哋原本真系约咗去拍吓拖，结果都系入咗理大，然后就打到入埋狗屋。当日打得最激时，我哋有段时间轮流休息，坚持落去嘅动力就系学校入面某位置有人等紧自己返去，唔死得住。 . 理大我哋唔系以玩嘅心态入去，当然我唔知有无人其实系谂住玩咁入去，至少我哋认真嘅人入面无人玩紧。 . 如果想认识理大发生咩事，或有人睇完《理大围城》后觉得唔知抗争为乜唔明点解要冲嘅，建议去理解多次 2019 年发生咩事。问心𠮶句，我知道理大系一次失败，但系咪失败等于我哋抵死，或者只谴责留咗喺度打嘅人而无视对家打压及暴力？// #理大 #polyu #理大围城 #香港独立唯一出路 #手足不是condom #hkprotest #前线

1225 #守护孩子 #陈伯 #被捕人士

1225 #守护孩子 #陈伯 #被捕人士 「守护孩子」成员陈伯在 #元旦大游行 被捕，2日后于今日中午离开警署，现正接受访问，他表示： 「我哋唔会放弃，用咩方法我都会继续落去！警察宜家明显系滥捕，有目共睹，但我哋有咩办法可以抗衡？政府部门同法庭都帮唔到我哋，唔会处理滥捕嘅问题。你哋睇下国际嘅舆论同声音，就知道全世界都睇唔过眼，监警会请返嚟嘅权威都话制度有问题，点解政府同特首都可以视若无睹？ 宜家政府系将香港两三代嘅年轻人，同香港好多美好嘅嘢都毁咗！无论要牺牲又好点都好，我哋都要守护我哋嘅下一代，我哋嘅香港！希望各大市民去谂下香港何去何从，系咪要一齐守护香港，定系由得香港沉沦？」 昨日为止6个守护孩子成员被捕，有5个未知消息。 #立场

由友人管理的黎雯龄社交平台，深夜上载《判刑前的一段感悟》，相信是原本打算陈情的内容。

由友人管理的黎雯龄社交平台，深夜上载《判刑前的一段感悟》，相信是原本打算陈情的内容。 她认为一个故事的意义在于「100个人可以有100种解读，冇一个标准答案。如果只有一种解读，呢个故事系失败嘅。」她明言「你哋可以审判我哋，但你哋唔可以审判2019年曾经发生嘅事」、「就算输，都系企系到输，我输得问心无愧。」 // 你哋可以审判我哋，但你哋唔可以审判2019年曾经发生嘅事。 如果我哋仍然相信法治未死，而选择在庭上用思辩去击倒言论自由嘅界限，我哋应该要记得基本法保障我哋嘅人权，包括言论自由、出版自由、免于恐惧嘅自由。 法律应该系保护人民嘅盾牌，而唔系政权用嚟对付异见者嘅武器：言论自由只适用于讲「好」香港故事，而唔适用讲「真」香港故事，有选择性嘅自由仲称得上系自由吗？ 即使由被捕当日起已知呢官司喺零胜算，都唔打算认罪换1/3刑期扣减，因我确信我讲嘅事系真嘅，甘愿为自己行使言论自由付出代价。就算输，都系企系到输，我输得问心无愧。// #黎雯龄 #羊村守护者 #择善固执 #香港言语治疗师总工会 #羊村案 #羊村绘本案 #煽动罪 #文字狱 #莫须有 #国安法