系呀 我地卖傻呀之前筹备卖糭嘅时候，首先我写信俾老板话去探佢嘅时候同佢研究呢个项目。

系呀 我地卖傻呀 之前筹备卖糭嘅时候，首先我写信俾老板话去探佢嘅时候同佢研究呢个项目。 老板一见到我，佢就笑住话「哈哈哈哈糭好呀，卖傻呀，你知唔知呢啲人成日都将个糭字写左做傻字，你知唔知呀？傻人有傻福啊⋯⋯ 」（下删好多好多字继续讲紧烂gag) 隔住块玻璃嘅我笑而不语... 我谂...你呢啲咪叫傻啰... 到终于可以入返正题我就同老细讲整只大啲嘅傻可以放多啲嘢入去，佢问大只会唔会食唔晒... 其实而家发觉冇乜嘢系好食得过同身边嘅人食，一家人食... 暂时我唔可以，但我希望其他人可以。所以大只啲多啲人食啦，系一种福。 佢对大眼睛即刻变得水汪汪，净系答咗一句「好」 然后呢个话题现场再讲唔到落去，佢最后写信俾我问可唔可以make sure个傻入边有虾？因为佢想有「哈哈哈哈哈」 睇完之后... 我决定将今次嘅项目命名为《傻人有糭福》 而家网上可以喺友利杂货店优先预订，售完即止。 P.S. 特登拣咗呢啲相俾你哋睇吓咩叫傻，痴痴呆呆坐埋一枱，好挂住佢 #端午节 #黄店 #撑小店 #良心店 #撑同路人 Source: Happy Belly Hong Kong

#手足投稿 全文:

#手足投稿 全文: 1.10.2021 记录 . // 仲喺香港嘅朋友话已经好少人觉得要帮手足，事隔咁耐，每个人都应该可以生活到。其实不然，好多 2019 年已去咗外国，有身份嘅当然已开始慢慢适应生活。但 2020 年啱啱走甩嘅，面对变幻国际局势，身份未定真系唔能够太大安旨意。而仲留喺香港嘅，有朋友啱啱出嚟做嘢，因为被捕过随时要上庭无咗份工；有继续返工嘅受政治打压而随时失业，经济亦未必能够完全自立；有啲未毕业嘅，因为抗争无得再返学，面临上庭压力同家庭压力，情绪仍未能平伏；有啲坐紧；有啲因为要上庭，除咗律师费仲需要好多钱去揼靓 case。 . 钱嘅问题当然易讲，但佢哋更大面对嘅系心理压力。有位同我讲，喺香港再揾唔到人倾计，因为身边嘅人，即使系同路人，有啲事无面对过嘅话系唔会明白，甚至讲咗好多难听说话。仲喺香港嘅佢哋，唔可以再好似以前咁易揾到信得过嘅心理支援，即使有都无财力可以负担，加上移民潮同被捕潮，好多都喺失去应有心理支援下承受巨大压力。口可以好轻松讲去坐吓，但唔多唔少对于长时间审讯及进进出出监狱都感到好攰。 . 写出嚟，唔系要大家捐款或者去揾手足倾计，而系想大家知道确实发生紧嘅事。有时坐监唔系最折磨，反而系生活上离唔开抗争影子，未来亦离唔开，先系一种折磨。有人叫我朋友「睇开啲，走出个圈啦，人始终要生活。」，可惜审讯未完，或者身份未定，甚至你亲友坐紧，或者自己将要去坐，一切都唔能够轻易话「离开个圈抖吓咪得」。// #在囚手足 #在囚 #手足 #移民 #香港独立唯一出路 #hk #hongkong #hkprotest #前线 #流亡 #exile #心理 #心理支援 #上庭

#叱咤2023 黄伟文获填词人大奖：做填词人越来越不容易，最重要忠于自己

#叱咤2023 黄伟文获填词人大奖：做填词人越来越不容易，最重要忠于自己 商台「叱咤乐坛流行榜颁奖典礼」今晚举行，近年移居英国的黄伟文第十度获颁「叱咤乐坛填词人大奖」，亦是他第三年遥距领取此奖项。 曾任商台DJ、黄伟文好友吴君如远赴巴黎颁奖，黄伟文表示，过去一年除了有「老主顾」、「翻头客」找他填词，亦有十多个从未找他合作的音乐人将旋律和信任交给他，形容「必须有一啲新嘅化学作用，先可以将烟花开出一啲新嘅颜色」。 黄又形容，第十次获奖最大感觉是「越来越难攞」，不因竞争激烈，因过去数十年香港一直不乏犀利的填词人；真正令他觉得困难的，是现时做填词人越来越不容易，「难在要适应时代嘅变化，一方面要继续写到大家需要嘅作品，最重要嘅系要忠于自己，真系好难，真系好难。」黄续笑说，「不过怕难，我就唔会做填词人啦，正如我谂大家今日喺台下嘅好多人都会明白我，怕难，我哋就唔做广东歌啦」。 黄伟文最后感谢继续支持广东歌的人，形容「系佢哋好兼容嘅爱，先比到机会新旧嘅香港音乐人继续做佢哋相信嘅音乐，继续将广东歌做到一种传承」，并将如此独特的艺术形式，带到去更远、更意想不到的地方。

两年前我都会讲一大堆野，话佢冷血，无人性，凉薄。

两年前我都会讲一大堆野，话佢冷血，无人性，凉薄。 但慢慢发现原来佢系傻嘅，讲嚟都嘥气。 香港就系比一个傻婆管治，我哋要认清呢个事实，自己就系唔够实力，不论软定硬都好，所以依家沦落到咁。 有好多人话而家呢个时候仲有啲乜嘢可以做，有好多人有唔同嘅说法，有啲话要强身健体，有啲又话读多啲书。 我会话why not both。首先两样嘢系完全冇冲突，当日大家工都唔返可以揾命搏，点解而家唔可以抽啲时间做运动得闲睇多啲书，努力工作储钱养黄店，系呢个局面韬光养晦。我地回合完左，都要谂下点保护自己人，点保护下一代，毕竟我地行出黎就系想香港有未来。 转头肯撚定有人屌「讲就易啫，边有咁简单，你地搞channel 坐系屋企睇新闻做冷气军师就叻」 我会话，你行左第一步先讲啦，柒头。

@sayno4tvb

@sayno4tvb 首先我唔认为TVB针对紧嘅系我哋，因为我哋一向主张理性消费，希望网民喺提倡帮衬或者杯葛一间商户时，都要基于事实之上，而TVB提及嘅恐吓行为，我哋一直都唔赞同，如果你知道用事实都可以说服到其他人，咁又何必要铤而走险，用恐吓呢啲违法行为？ 如果佢认为网民喺facebook对广告商派嬲同反映意见系恐吓，只会显得佢哋系玻璃心，我唔能够代表所有网民嘅谂法，但我知道今时今日好多消费者帮衬商店嘅时候，考虑嘅已经唔止系价钱同质素，例如包括埋企业社会责任，又或者系个广告将商品包装成点，譬如话你见到俗套嘅嘢都唔会想买喇系咪？ 我明白「大台」近年俾「友台」、Netflix、HBO、Disney打到七个一皮，高层感受到股东、广告客户压力，系需要做啲嘢交差嘅，不过畀你哋灭到网民声又点？节目制作思维仲停留喺连串误会嘅《爱回家》、remake版「欢乐今宵」，迟早咪又系步上亚视后尘。 #TVB #老人台 #CCTVB #TVB假新闻 #假新闻 #党媒 #垃圾TVB #罢睇TVB #抵制TVB #红媒 #抵制tvb广告商

系咪突然出现好多「ZA互帮」嘅讯息？小心！呢啲都系嚟自中资虚拟银行「众安银行 ZA Bank」嘅宣传。

系咪突然出现好多「ZA互帮」嘅讯息？小心！呢啲都系嚟自中资虚拟银行「众安银行 ZA Bank」嘅宣传。 众安银行主要由中资众安在线(47%)同百仕达(41%)持有。用佢嘅服务唔系入少少钱咁简单，而系将你嘅个人资料同资金流动提供咗俾人哋。喺使用佢哋嘅服务之前，请谂多一次系咪必要。 至于喺公开论坛(例如连登)张贴自己嘅银行连结，等同俾人查返自己真实身份，即系「自爆」！千祈唔好为咗几蚊而暴露自己私隐！ 谨记，免费嘅嘢最贵。 #中资 #中资银行 #ZA #ZABank #众安 #众安银行 #虚拟银行 #个人资料 #网络安全 #私隐