#android限定之前因为WhatsApp新增嘅私隐条款，惹来全世界对资料安全嘅担忧，大家纷纷转用Signal，多咗成1000

#android限定之前因为WhatsApp新增嘅私隐条款，惹来全世界对资料安全嘅担忧，大家纷纷转用Signal，多咗成1000万人，其中香港区估计都多咗几十万人用。随住香港用户数量大增，Signal亦都相当「识做」，最近更新就喺界面语言加入香港人嘅母语广东话！呢个模式只有Android机先可以用。电话预设都系繁体中文，但只要你喺程式右上角嘅功能列拣「设定」->「介面设定」->「语言选项」拣「Cantonese（traditional）粤语」就得㗎喇。转咗之后嘅语言相当地道，例如写住「开个新谷」、「冚唪唥剔低话睇咗」，十分有亲切感！ Signal除咗贴心之外，其他嘢表现都唔差嘅。消委会喺上个月将佢同其他apps比较，都大赞「介面设计简洁易用，传送讯息时强制使用双重认证，私隐度较高」，而且程式提供较多保障私隐嘅功能，包括传送一次性照片、模糊照片面部功能、讯息阅后即焚同埋「唔俾cap图」，好适合注重网络安全嘅香港人！ #signal #熄炉 #广东话 #粤语 #网络安全 #私隐 #私隐安全 Post by @gongjyuhok #港语学

在Telegram中查看

相关推荐

Credit: @gongjyuhok #港语学

Credit: @gongjyuhok #港语学近日有用家发现，当通讯软件Signal更新到最新版本，原有广东话同维吾尔语嘅界面消失，而官方网站未有交代删除广东话界面嘅原因。随住喺香港越嚟越多人用通讯软件Signal，佢喺上年起开始加入广东话界面，令到佢成为香港地区嘅一大卖点。然而，近日有眼利嘅读者发现，近日Signal更新至6.5.6版时，「粤语」版本就会消失，取而代之嘅系「中文（香港）」。当中嘅用语甚有不同，例如「是日花生」会变做华人圈常用嘅「限时动态」，「倾偈」变成「聊天」。虽然有啲人都会批评Signal嘅广东话译法唔正经、奇怪，但无可否认佢嘅鬼马翻译都吸引咗唔少用家使用。今次更新相信都令好多人大失所望。有港语学读者更指出，Signal都删除咗「维吾尔话」选项，但今次更新同样未有交代原因。 Signal对读者去信查询嘅最新回复就话：「因为香港报纸用广东话，系官方语言，所以就集中精力摆喺呢只（书面语）。」 #signal #熄炉 #广东话

永远唔会忘记几年前喺在香港嘅演唱会，全场一齐屌都冇事！都好庆幸之前喺香港拍呢一首MV嘅时候仲捕捉得到香港嘅特色。宜家已经改变咗太

永远唔会忘记几年前喺在香港嘅演唱会，全场一齐屌都冇事！都好庆幸之前喺香港拍呢一首MV嘅时候仲捕捉得到香港嘅特色。宜家已经改变咗太多... Today marks the 25th anniversary of Hong Kong's return to China. All the best to the people of Hong Kong！ Posted by Namewee 黄明志 #广东话 #珍宝海鲜舫 #七一沦陷日 #没有回归只有沦陷 #七一 #没有两国何来两制 #消失的香港

「Kongish有趣嘅一点系，佢综合唔同语言嘅资源，英语、粤语，甚至吸收咗语言以外嘅资源，比如表情符号，又会用数字、简写。」例如

「Kongish有趣嘅一点系，佢综合唔同语言嘅资源，英语、粤语，甚至吸收咗语言以外嘅资源，比如表情符号，又会用数字、简写。」例如「exact7ly」、「cls」，净系识英文同广东话嘅人未必睇得明，就算通晓中英文都唔会只只字都识，所以「好难界定为英语，亦难以话佢系广东话。」全文 / 报导 / 港语学 @gongjyuhok #广东话 #港语 #香港民族 #本土文化

一个属于我地，冇审查嘅平台，唔会因为讲咗敏感字眼而被封帐。我地集合咗所有海外香港人所需要嘅资讯。无论你有咩疑问，喺呢度你都可以揾

一个属于我地，冇审查嘅平台，唔会因为讲咗敏感字眼而被封帐。我地集合咗所有海外香港人所需要嘅资讯。无论你有咩疑问，喺呢度你都可以揾到你嘅答案！地区及主题群组：喺我地度，可以喺指定地区内揾到志同道合嘅香港人，无论想倾下生活疑难定组织区内兴趣活动都话咁易：大食会、羽毛球gp、跑会 1 click 就揾到！生活资讯QnA：唔论系生活上嘅大小事，例如税务、买楼、升学，甚至系买𩠌，都可以喺我哋平台揾到相关资讯同解答。香港人商户目录：买楼要揾律师楼、开公司要揾会计师；我地集合咗英国各地嘅香港人舖头同地区组织联络资讯，仲有香港人活动资讯，只需一揿，就可以揾到你需要嘅一切！ App Store: Google play: #MobileApp #OURS #我地头

今年谂咗好耐画咩挥春⋯太喜庆嘅说话今年真系写唔出

今年谂咗好耐画咩挥春⋯太喜庆嘅说话今年真系写唔出最后拣咗呢个祝大家喺生活上任何一个范畴，都可以初心常驻 Designer IG @ugly_family #新年 #香港人平安 #初心常驻 #农历新年 #苦年 #初心不变

【小编有一事相求】呢个Post，我谂咗好耐点讲…

【小编有一事相求】呢个Post，我谂咗好耐点讲… 事情系，小编需要大家嘅帮忙。有留意开嘅朋友应该知道，吴生最近放弃咗法援。有法援帮助，已经需要自费一大笔费用，如果无申请法援，所需要畀嘅费用系更大更大。吴生一直以嚟系屋企嘅经济支柱，虽然而家系烧紧积蓄，但佢一直都好担心自己喺无收入嘅情况下坐食山崩，亦都担心自己唔知要坐几耐，成为家人嘅负担。所以佢由二月到而家，除咗生日𠮶两个星期之外，只食公家饭，唔食私饭。有朋友话：「睇相佢真系瘦咗好多…佢做咩唔食私饭呀？听讲公家饭xoxoxo (呢度我唔讲人哋点评论公家饭喇…无人食过，都系江湖传闻）」面对呢啲问题，我有点手足无措。点解唔食？可以有咩原因？量入为出啰…之前佢曾经话自己食嘢无要求，我唔敢质疑呢句说话。但我见到嘅系，佢呢接近一年，瘦咗唔知几个码，由猪八戒变咗做孙悟空。唯一系佢食私饭𠮶2星期之后，生返少少肉。点解我一直唔开诚布公，公开大大力叫大家subscribe patreon，去一齐喺财政上支持吴生？因为吴生一直扮无事。问亲都系:「ok嘅…唔使担心嘅…」自己死撑。咁点解而家小编又走出嚟希望大家帮忙？因为佢真系有需要。佢而家系会话：「睇下法律书咪当学多啲嘢！」但问心，打呢种国安案，佢仲要系畀人charge紧最重嘅「策划」，佢系一个理性嘅人，如果有选择，又点会用自己嘅余生自由只系去换一门知识？实情系，如果请大状帮忙，佢系会有经济上嘅担忧。喺呢度，小编恳请各位，如果可以嘅话，请subscribe patreon。一个人嘅力量有限，我希望可以借大家嘅力量，为吴生提供多一个选择。亦都希望可以畀佢知道，面对呢啲困难，虽然我哋可以做到嘅唔多，但亦都唔会掉低佢一个自己喺度硬撑… 小编在此感谢各位支持吴政亨(李伯卢)关注组 Patreon：吴政亨（李伯卢）关注组： Fb: Ig: #香港 #初选大搜捕 #47人 #吴政亨 #李伯卢

🔍 发送关键词来寻找群组、频道或视频。

启动SOSO机器人