Credit: @gongjyuhok #港语学

Credit: @gongjyuhok #港语学 近日有用家发现，当通讯软件Signal更新到最新版本，原有广东话同维吾尔语嘅界面消失，而官方网站未有交代删除广东话界面嘅原因。 随住喺香港越嚟越多人用通讯软件Signal，佢喺上年起开始加入广东话界面，令到佢成为香港地区嘅一大卖点。然而，近日有眼利嘅读者发现，近日Signal更新至6.5.6版时，「粤语」版本就会消失，取而代之嘅系「中文（香港）」。当中嘅用语甚有不同，例如「是日花生」会变做华人圈常用嘅「限时动态」，「倾偈」变成「聊天」。 虽然有啲人都会批评Signal嘅广东话译法唔正经、奇怪，但无可否认佢嘅鬼马翻译都吸引咗唔少用家使用。今次更新相信都令好多人大失所望。有港语学读者更指出，Signal都删除咗「维吾尔话」选项，但今次更新同样未有交代原因。 Signal对读者去信查询嘅最新回复就话：「因为香港报纸用广东话，系官方语言，所以就集中精力摆喺呢只（书面语）。」 #signal #熄炉 #广东话

29号朝头早，喺纽西兰国会上，James McDowall MP用广东话带领全体议员祈祷。佢话，今日能喺新西兰中文周用广东话读出

29号朝头早，喺纽西兰国会上，James McDowall MP用广东话带领全体议员祈祷。佢话，今日能喺新西兰中文周用广东话读出国会祷文，系佢嘅荣幸。「虽然发音有待改进，但能将广东话带入国会，系个独特嘅时刻。」 全文: Credit: 港语学 @gongjyuhok #NewZealand #国会 #广东话 #Cantonese

#android限定之前因为WhatsApp新增嘅私隐条款，惹来全世界对资料安全嘅担忧，大家纷纷转用Signal，多咗成1000

#android限定 之前因为WhatsApp新增嘅私隐条款，惹来全世界对资料安全嘅担忧，大家纷纷转用Signal，多咗成1000万人，其中香港区估计都多咗几十万人用。随住香港用户数量大增，Signal亦都相当「识做」，最近更新就喺界面语言加入香港人嘅母语广东话！   呢个模式只有Android机先可以用。电话预设都系繁体中文，但只要你喺程式右上角嘅功能列拣「设定」->「介面设定」->「语言选项」拣「Cantonese（traditional）粤语」就得㗎喇。转咗之后嘅语言相当地道，例如写住「开个新谷」、「冚唪唥剔低话睇咗」，十分有亲切感！   Signal除咗贴心之外，其他嘢表现都唔差嘅。消委会喺上个月将佢同其他apps比较，都大赞「介面设计简洁易用，传送讯息时强制使用双重认证，私隐度较高」，而且程式提供较多保障私隐嘅功能，包括传送一次性照片、模糊照片面部功能、讯息阅后即焚同埋「唔俾cap图」，好适合注重网络安全嘅香港人！   #signal #熄炉 #广东话 #粤语 #网络安全 #私隐 #私隐安全 Post by @gongjyuhok #港语学

#Apple 㖊日（6号）举行发布会，推出M2晶片同埋新MacBook，不过好多香港用家关注嘅，应该都会系官方正式新增嘅 #广东

#Apple 㖊日（6号）举行发布会，推出M2晶片同埋新MacBook，不过好多香港用家关注嘅，应该都会系官方正式新增嘅 #广东话输入法。事关之前Apple虽则话好重视香港地区，但上年新增嘅功能都系广东话辞典同埋语音控制（Voice Control），用家最常用嘅粤语拼音输入法，反而迟迟未见踪影。可能都睇到香港网络嘅呼声，Apple今次都正式推出粤语拼音输入法。 #粤拼 系香港语言学学会粤语拼音方案嘅简称，因为佢采用罗马化拼音，都好便于电脑输入。今次Apple就表明系可以根据粤语拼音方案同其他拼法去写，实际操作都证明，其实唔虽然跟足特定嘅粤拼规则，只要按住类近嘅拼音打出嚟，都可以输出到广东话字。 IG @gongjyuhok 报导 #ios #苹果电话 #粤语拼音 #广东话键盘 #广东话

系呀 我地卖傻呀之前筹备卖糭嘅时候，首先我写信俾老板话去探佢嘅时候同佢研究呢个项目。

系呀 我地卖傻呀 之前筹备卖糭嘅时候，首先我写信俾老板话去探佢嘅时候同佢研究呢个项目。 老板一见到我，佢就笑住话「哈哈哈哈糭好呀，卖傻呀，你知唔知呢啲人成日都将个糭字写左做傻字，你知唔知呀？傻人有傻福啊⋯⋯ 」（下删好多好多字继续讲紧烂gag) 隔住块玻璃嘅我笑而不语... 我谂...你呢啲咪叫傻啰... 到终于可以入返正题我就同老细讲整只大啲嘅傻可以放多啲嘢入去，佢问大只会唔会食唔晒... 其实而家发觉冇乜嘢系好食得过同身边嘅人食，一家人食... 暂时我唔可以，但我希望其他人可以。所以大只啲多啲人食啦，系一种福。 佢对大眼睛即刻变得水汪汪，净系答咗一句「好」 然后呢个话题现场再讲唔到落去，佢最后写信俾我问可唔可以make sure个傻入边有虾？因为佢想有「哈哈哈哈哈」 睇完之后... 我决定将今次嘅项目命名为《傻人有糭福》 而家网上可以喺友利杂货店优先预订，售完即止。 P.S. 特登拣咗呢啲相俾你哋睇吓咩叫傻，痴痴呆呆坐埋一枱，好挂住佢 #端午节 #黄店 #撑小店 #良心店 #撑同路人 Source: Happy Belly Hong Kong

Posted by #港语学 @gongjyuhok

Posted by #港语学 @gongjyuhok 美国史丹福大学之前因为财政问题，裁减广东话课程嘅人手，引起师生同当地港人嘅关注，最终喺联署下都成功保留，最近仲迎来一个好消息。当地保育团体Save Cantonese就宣布，得到由广东话母语人士成立嘅美国食品供应商S.J. Distributors承诺，会捐款100万美元（约780万港纸），支持史坦福大学嘅粤语课程。 嚟自香港嘅、S.J. Distributors嘅首席执行官孙振豪（Scott Suen）就话：「我哋唔系叫小朋友唔好学普通话，但我哋想保留粤语文化。我哋希望想讲嘅人可以继续讲，俾佢哋有自己嘅选择。」佢又话，感到年轻一代中讲同学广东话嘅人都越来越少。佢母语系广东话，所以唔希望呢种语言灭绝。「如果你想保护佢，就需要有人愿意保持呢种交流方式。我哋既然有能力可以做啲嘢帮手，而家正系时候。」 S.J. Distributors系一间全球性嘅食品供应商，专注为各地地区提供亚洲嘅生鲜食材及膳食。呢间公司由广东话为母语嘅人士创立，而佢哋嘅捐款可以支持一间顶尖大学嘅粤语语言教育。 #在美港人 #广东话 #撑粤语 #史坦福大学 #SAVECANTONESE